النصوص المشاركة في مجال الشعر الشعبي في الملتقى الأدبي التاسع عشر للشباب في ولاية خصب بمحافظة مسندم :
( حب الرمي والعيد )
لـ : سليمان الجهوري
قريبة يالصحاري والسراب بعـيـــد
وأنــا عيوني تشوف اللي بعيد أقرب
كسرني فيك صمتك / والهدوء يزيد
وجبرني حرك وشمسك إلى المغرب
يعاتبني ..! على كثر العتب ما حيد
صـــواب يــــدلني وإن حادني أهرب
ي حظي والهبوب تشد عصـم القيد
هــديت وبح صوتٍ محتنق يضرب ..
على عنقي / وأبل النوح والتـنهيد
م غــيـرك يـــالقدر من شوفتك اشرب
تضوّيني عليه إن قلت لك ما اريـد
وسـفـره أبعد من حدود السماء للغرب
عشانك يالسحاب أخجل
ودونك هالشفق يوصل لرجف الإيد
على حلك وترحالك مداك بعيد
تعال أكحل بك عيوني وأشوف الدرب
تعال أروي لي سكيكٍ نبت فيها الظلام كثير
سكنت بلا شموع أدري
رضيت أحلم على وصلك وأنا صاحي
رجعت أهذي على نار الصباح (وقِيد)
رجعت ألبس دشاديشي وأجر الدرب
ربط بـــمحزمي حب الرمي والـعـيـد
رزفتك واعتزا سيف الرضا يطرب
على شــــــــانك يفز وينحني ويعــيد
وأنا وســــــط الحنين ودمعتي تهرب
رزفتك والتهيت الوقت
بقى صوت الصدى ينزف
رزفت العمر وسنيني
نسيت إن السراب بعيد
على قرب الصحاري
والرمل من خطوتي يقرب
على بعد الحنين
وأشوف اللي بعيد أقرب
|