[ناصر العلوي]

حبيبي كلما تظهر نجوم الليل جيت اسهر
تذكرت السنين اللي ربينا بحبها المسحور
انا وانت واحاسيس الغرام بخافق يشعر
لجل عينك غرق حسه ببحر بالعشق مغمور
نعم ما ماتت الذكرى حبيبي والعشق اكبر
من الذكرى وخيال وطيف صورة رسمها منظور
لانك مملكة عمري ودنيا بارضها اكبر
وانا لك كالملك صاير اواكب عصرك المغرور
نعم مغرور بك عشقي شموخي وبالهوى افخر
فخر عذب الحكي يلي تربى الحب به والنور
حبيبي وكلما خيم ظلامي وجيت لك اسهر
حضر نورك ينافس هالظلام وصار له لحضور
نعم لانك ونس قلبي اذا قلبي فزع وادبر
تلاشى الخوف ذا مني وتملكني الفرح بشعور
واضحك وضحكتي عذبة ابتسامات العشق تسحر
ينافسها الصمت لما ارتسم بشفاهي كالبلور
حبيبي وكلما خيم ظلامي وجيت لك اسهر
تذكرت السنين الحب وغدينا بحبنا دستور