زمنك تغير يا ولد
.................كنت في زمانك كالأسد
واليوم إنته مرتخي
..................والمرتخي يبغيله شد
تابع مسايل هالبنات
...................جل وجذيله فوق خد
زاهي عيونه مكحلات
...................تقول عنه بو صرد
يحلم بسيارة تويوتا
.................ومرة يحلم عنده زد
مروّج سوق الهواتف
.....................آيفون وآي بد
لاهي وعقله في التويتر
................دردشه من غير حد
والواتس أب همه ومراده
................عن شؤونه ما نشد
والفيس بوك هُو خير زاده
...............يحكي مع دانة وفهد
والأنستجرام عاده
................يناظر الصورة ويعد
والعلم عنده مكاده
..................قطع اكتابه وشرد
لي ييته تبغاه بمفاده
...................رد ويْعيه ويهد
ينشد على نغمة فؤاده
..............عن صلاته ما نشد
نايم ويحلم بالسعادة
.............كيف يبني هاالبلد؟!