[محمد الحجري]

اكســـجين الشــعر اتنفـــس حروفه

في بحــــور الارض ولا في سماها

بيتــهوفن جــرها احـــلى معــزوفة

تطرب اللـــي من سمعها في حلاها

أعشـــق المعنى وأرتب له وصوفه

تســـلبه عقــل الفــطــين اذا رآهــا

وكل من ضاقت سنينه يحد شـــوفه

للقصيد اللي دواء النفس وشــفاها

ما ضمى من سالت انهار بكفــوفه

يرتوي من نــبعها ومن عذب ماها

والمــعاني جــود بســتان بقــطــوفه

وكل ما جفت مشـــاعر له ســـقاها

مكـــتبه من فكــر أدراج ورفــوفه

ينبــهر من هو سمعها أو قـــراها

نبض شاعر والخيال اضحى يشوفه

والحروف تسيل / والمعنى غزاها