( ورجع سنين )
فاقد حنين
تدرين وش معنى الحنين
أني اجر القلب بثوابك وله
ورجع سنين
للشوق لوراااق الوزا
وإلااا ...بلا ما أخبرك
لان الوله ما قربك
إنسان
انسااااان ... يا رمح السنين
يالي طعنت وماسالت
غرقان في جرحي أنين
بين الصحاري والسهوب
وطرد سراب
من هو زرع دنياي بطعون الوجل
لين أينعت صفر الظنون
ترسم عناوين السهر
قوس وحراب
يا لابتي عفت الوسن
لا لوم لا ترنيم
تكفي عيوني العاذله
كل الأماني ذابله
بين المحيا والعيون
وانا أسافر ف الظنون
عل وعسى
ألقى مشاريبي
تغفر عذاريبي
يا نايف الورقى هنا
إنسان عاشق للجنون
يلهج تسابيحك
للشوق للتذكار فاقد حنين
اووواه يا حلم السنين
تعبت من كثر السفر
يكفيك تجريحي
نفسي ألوم ولا مكان
خليك ف الرمضى
حتى يمل الامتعاض
انوي أسافر للجراح
ساديتي صارت يقين
ماعاد يكفيني الحنين
مد الخصام
وانا أسافر بك وجع
صالح السنيدي