لجله القصــــايد حكـــــــم تنفيذ جبري
ما نقبل فصحتــــــــه طاعن ومطعون
عاجل نفاذه يكتبــــــــــه اليوم شعري
بأمر القضاء ونص واضـــــح فقانون
يا نبعة القيـــــــــــــفان بالبوح هدري
صبي عليه من الغــــــــــلا در مكنون
حبه فصباحي شــــــمس والليل بدري
حبه الشعور اللي به تشوف العـــيون
ريقه خلاص وشفتـــــــــه طعم جبري
وكل الخصاب الزين عــــنده بكل لون
يقول أحبـــــــــــــك مازن وقلت ادري
بتحبني بس كيف يفهــــــــمك مجنون
م فهم كلامك لي حبيبي وعـــــــــذري
كله دلع خربط موازين هالــــــــــكون
يامن قبل الانفاس ينزل فصـــــــــدري
ودرب الحشى عنده مظبط ومضمون
من اول القيا على خــــــــــــط عبري
انا المدين وخاطري معـــــه مرهون
شل الفؤاد وناظر الليــــــــــل فجري
وشع الحلا والنور مـــن خد مزيون
وقام الوله فالروح يبكـــــي ويجري
كنه طفل محروم أمـــــــه ومسجون
وقام الغرام يسيس قلبــــــي ويغري
يبغي اصارحــها وانا قلت ع الهون
شاعر وضايـــــع في مفاعيل بحري
بيتن كــــسرته وبيت كامل وموزون
أشرب نخب ذكراه وامسي بســـكري
واهاوس باسماء منهـــا عسى يكون
هذا سحرها وايش ســــــوى بعمري
وهذا الغوى يلي يســـــــموه فرعون
احساس شاعر للجماهير حصـــــري
بحته ولادري بالشــــعر جبته شلون
في شنطتـــــــــه ع اليد مفقود سري
وان كنت تبغيني انا هنــــــاك مفتون
واخر بيوتي اول حروف ســـــــطري
هذي حكاية ميم بتســــــــولف النون
طاير أدوره بين جــــــــــــوي وبري
وأدور بيته لي به الذوق مســـــكون
ضاعت عناوينه ف كــــــــري وفري
حتى ايميله ضاع مع نمــــــرة الفون
يالله الاقي لي تــــــــــــركني فجمري
أحرق احاسيسي وأناديــــــه محزون
مبغي أحبـــــــــه ودي أهديه شكري
لي ردلي عقلي وأنا كـــــنت مجنون
مازن المعمري