[راشد الهنداسي]

الصمت
الشاعر: راشد الهنداسي
30-3-2013

الصمت افضل شيء يمكن اسوّي
للي نظام عقولهم دايما زفت

دامي زرعت الطيب دربي تروّي
زليت كفّي من وحل طينهم عفت

الله لابارك لسان متلوّي
لاعاشت بقلبي قلوب(ن) لها رفت

تعمى العيون مواجهتها لضوّي
تكفت اياديهم لأذقانهم كفت

توي عرفت امثالهم بس توّي
ياليتني ميّت واشرفه معرفت

الموت ثاني حل انسب لجوّي
دامي خطيت ، وحظي اليوم ماحفت

الصمت احيان انفجار(ن) مدوّي
يوم(ن) ضميري هج ، وشلون ماخفت

اكبت على قلبي واعزّه واقوّي
طفت بكرم ، اتجاهله كنّي ما شفت

مصدر رزق لكن حسافة مغوّي
معن(ن) مقدس يفهمه الذي يفت

امّا الحثالة دامها في علوّي
ارقى بفكري عنهم ، واكبس اللفت

حسبي عليه الله ربي ونوّي
الي دعيته كثر مذنبت واسرفت

الصمت ماهو حل لكن شسوّي
حتى بدون اسنان باقول ما ثفت