"الحال"
الشاعر: راشد مبارك الهنداسي
أتعبتني يا قلب مدري ش بلاني
ومدري وش الي غير الحال للحال
اثر الزمان الي قضيته غواني
واثر المكان الي جهل كل الأحوال
أغرقت ذهني في محيط الأماني
وأخرجت عيني كلها دموع تنهال
مقدرت افرق بين مجني وجاني
ولا ميّزت بين التماثيل تمثال
ناس(ن) مسامعهم مصب الأغاني
اما أذان الفجر ما عاد ينطال
لين أصبح الواحد يعاني يعاني
من همه للدنيا ومن ضيقة البال
زادت مصايبنا بطول المباني
وزاد الحزن فينا ولا عاد ينشال
يا مكثر أمراض العصر في زماني
لان الوقاية بس أقاويل وأمثال
الضغط والسكر يحل فثواني
والسمنة الي أصبحت موضة رجال
حلم الحريم اليوم جمع الأواني
والبسملة ع الأكل ما عاد تنقال
أبذمتك هل تعتقدها معاني؟!
والحال فالحاضر اهو أفضل الحال؟!
ماظنتي وإعجاز سبع المثاني
تخلو الحياة اليوم من كل الآمال
مهما تفاءلنا يفوت الأواني
ومهما تشاءمنا توقّفنا بإهمال
وجه(ن) كريم ومن ورا الناس أناني
وقلب(ن) يكن بداخله كل الأهوال
عقل(ن) بعد أخلص صداقة نساني
وخشم(ن) تعفن بالكبر فوق الجبال
محتال يالي في قوى الشر باني
والهادم الي في قوى الخير محتال
حاولت أغير واقعي ما مداني
وأفكار إني انتحر ما على البال
استحملت نفسي وربي هداني
ودايم أحاسبها على شر الإعمال
مني القصيد الحين سر وعلاني
واجب علينا ننصح الي كذا مال
حاول توصّلها لقاصي وداني
والخير للفاعل مثل ما هو للدال
كل ما خلق فالكون بالذات فاني
والباقي وجه الله تعالى بإجلال
يا صاحبي صدقني مدري ش بلاني
ومدري وش الي غير الحال للحال