اقتباس:
المشاركة الأصلية كتبت بواسطة طلال العريمي
خور البطح
همس لي والحزن يطفو على سطحه
وعلى رملة شواطينا نكس راســـه
يخبرني عن همومه وكبر جرحــه
وبدأ يسأل عن الماضي ورماســـه
سألني عن وشار العز في بطحــه
يقول أنه فقد صوته وفقد ناســـــه
ويقول أنه على كتفه ربت سمحــه
وعلى يده تخرج ناس غطاســـــه
تسلم يا شعرنا طلال أبيات جميله
تقبل مروري ونشوف جديدك
نورت المجلس وتقبل مروري واهنيك بهاذا الابداع
اخوك ابراهيم الزير
هنا أذكر ياوجه الخير كم فرحـــه
وكم دمعه تلالت مثل ألماســــــه
وكم روحن تعانق روح منشرحــه
ويترايع بها السفري وأنفاســــــه
وكم محمل على ظهري جرى مسحه
يسامرني طوال الليل باحساســــــه
يسولف لي عن البلدان في شرحــــه
ويوصف لي غوى ممبي وممباســه
وأنا دمعي نشف وإلي بقى ملحــــه
ذكرت أول وماضي يدي وباســــه
ورحت أقول ياخور البطح لمحـــه
تزيد فشنطة التاريخ كراســـــــــه
ولك في داخل الكراس كم صفحــه
قرتها صور والعالم بأجناســـــــه
ولبسك المجد جسر الفخر منحه
تسمى بأسمك وجنبك غدا ساســـــه
يريحة يدي وماضي يحق مدحـــــه
غدا اسمك تاج والتاريخ لباســـــــه
وانت لصور عقد وفوق مرتشحــــه
تباهي الكون بك عيده وأعراسه
طلال العريمي |
تسلم اخي الشاعر طلال
ابيات رائعه ماشاء الله عليك شاعرنا
لقد ابدعت في كتابتها
تقبل مروري بين كلماتك الرائع
اخوك ابراهيم الزير