[حمود الحجري]

المشاركة الأصلية كتبت بواسطة حمود بن وهقه

من باب زمزم دخل ،، لابـس له احرامه
مثله كثيييييير دخـــلوا - وبنفس هندامه

دعــا : يــا ربِّ تزيـد " الكعبة " إجـلالاً
من رهبة البيـت / ما شلّنه أقــدامه ...!

مقبل وفي صدره : همـومه وأخــطــاءه
خايف ،، وكله نــدم ،، ومــوطّي الهامه

رمى المشاغل ورى ظهره وجا عاااني
ما خبّر إلا - أهـله - وقـفّــل أرقامه ...!

في هالمكان ابتــــدت دعوة " نبي الله "
وأعلن بهذا المكان / المذنب إسلاااامه

يطوووف والذكريات تطوووف وذنــوبه
كل ساعة تحطّ عـ وجه العمل ( شامه )

ويستوعب فـ لحظة من العجــز تقصيره
وكيف انشغل بالحياة - وطارد أحـــلامه

وكم من صلاةٍ بـدون خشـوع صــلاها ؟
وكم ليل في غيـر طاعة خالقه قــامه ؟

وكم كـذبةٍ عــابــرة ، في اليوم يكذبها ؟
وكم منكرٍ صـدّ عنْه .. وصــار قدّامه ؟!

ويتأمل : القبر ، والأكفـان ، والظـــلمة
في ساعةٍ ما تفـيد أخواله / أعمامه ..!

تعرض عليه السنين - وكل مــا ســوّى
يجزى على الخير ويحاسب عـ اجرامه

"يا روضةٍ من رياض الجنة أو حفــرة
من نار "تشوي لحمه وتكسر عظامه !

يا ربّ ،، عبدك ما بين يديك يشبه لــه :
رجل يجرّ الشهييييق فـ لحظة إعدامه !

يا ربّ ،، عبدك ما بين يديك واغفر لـه
أدرك بأنه ضليل .. وحطّـــم أصنااامه !

خايف قصيده يؤدي به إلى ~ جهــنم ..
وإن صار / سحقا لتفكيييييره وإلهامه !

من باب زمزم خـــرج ،، يا ربّ تتقبّــــل
ويا ربّ صفحة عمله بلووون احرامـه

عشرين عاام انقضت من عمره وكنّه:
شايب يوصّي عيااااله ، بآخر أيامه ..!!

بن وهقه

رائعة
هذه الانسيابية
وهذا الاختلاف
في كل شي
قصائدك تتميز بترابطها وتسلسلها
في هذه القصيدة بالذات كل بيت يقودك للثاني
ثمة أسلوب قصصي يسم نصك
دعنا نقول :
القصيدة / القصة

تقديري