محاورة شعرية بين سالم بن سعيد المحيجري ومبارك بن سالم الجابري ( سلامة الوصول من السفر) بتاريخ 16/10/2016
سالم:المحيجري
يا صاحبي مبارك فقدناكم شهور
في دارنا ولا بعيد مسافرين
وعنها الزيارة ربنا كاتب أجور
بالعافية يا رب تكونوا منعمين
الجابري :
حيا بمن صاغ القوافي في سطور
يا بن سعيد ويا رفيع الدرجتين
يلي سأل انا بنيت له قصور
من كوتشي أمس الليالي واصلين
سالم:
بالعافية ندعي لكم عبر العصور
وبنعمة الله يا عساكم دايمين
من كوتشي ماشي علوم وبنجلور
والحمد لله يوم جيتو سالمين
الجابري :
بطلتك ياسالم زدت النور نور
يا عسى الراحه ما تفارقكم سنين
ماشي علومن غير الراحه والسرور
بفضلن من الباري* إله العالمين
سالم:
بنعمة الله الآدمي يبقى شكور
والله يآجرهم عباده الصابرين
لون سعينا وما حسبنا للدهور
فبعض النصايح بانكون موجهين
****************************
الجابري :
الآدمي مهما حصل يبقى صبور
ويارب أرشدنا طريق الراشدين
حن بناخذ من أهل العلم والشور
يلي نصايحهم تفيد السامعين
سالم:
بالنصيحة يعيشوا الناس فحبور
والي مثلكم يحسبوهم فاهمين
قلنا بنسأل قبل ما نمشي نزور
وبوصولكم يا الجابري متفرحين
الجابري مبارك
فيك العوايد وفيك الكرم مشهور
أمثال حاتم في زمان الأولين
لن زرتني يا سالم تشريف الحضور
تشريف منك يا نسول الخيرين
سالم:
ساس الكرامه بونه ممتد فجذور
وراعي الكرم عالي مكانه فالجبين
بنوادعك من بعد ما جينا مرور
وبالخير والصحة جعلكم دايمين
تمت