[حمود بن وهقه]

السلام عليكم ..

شحالكم يالربع ؟؟

مشاركاتي لا تتعدى 0.002 في اليوم!! يعني مشاركتين خخخخ

حبيت أعرض عليكم بعض ما نسجت..

----------

أهـــواك .. لكن في غرامك مضـرّه
أخاف أحـبّك أكــثـر وأبتـــلش فيـك!

وأخاف أقلّك وش هو القلب ســـرّه
وأصـحـى أدوّر لـك أثـر مــا الاقيك

وأخاف بـكـره مـا يـجـيـب المـسرّه
وتعيش ميـّـت بــه وأنا ميّت أرثيك

وأخــاف تـبــدا فـي عـــلاقـات مرّه
وأنا أشوفــك بـس مـ/أقدر أحاكيك

ويــحــنّ خــفـّاقك مكـــــانٍ نمـــــرّه
وأحنّ أسولف لك وأنا شابك إيديك

الله كـــريــم وضــيـقـتـي مستــمرّه
لكن لجل عــيـنــك أبتعـب وأداريـك

صــحـيــح عــيـنـي دمـعها ما تدرّه
لكنّــي أتــخــلى بــنــفـسي وأبكـيك

فيني مــن أسـبــاب الـمقادير حرّه
وأنته ولا همّك ليا جيـــت أشاكيك

بس الصبر يمكن على حــين غرّه
تعقل وتفهمني عسى الله يهديك !!

.. حمود اليحيائي ..