[علي الغنبوصي]

صباح او مساء الخير

قصيده قديمه و خفيفه لقلوبكم

( طير صدري )


البارحه يا ثقل دم البارحه
وطير الصدر موجوع رقصاته دماء

يصفق بوجه الريح دون الأجنحه
للأرض ارضه والسماء ما هي سما

ماصابته حتى الطيور الجارحه
بس طعنته ريشة حمامه بالحما

دارى على اعواجه و نوحه يفضحه
كلما تمر جف الوريد و له ضما

يا طير وش لك والحزن ما تطرحه
ثقّل على طرف الرجل من دونما

حدن نطر مرسال وصلك واشرحه
وحدن حداه الوقت ينطر ريثما

ايبان للغايب علامه تفرحه
ويروي حشا مضنيه سقوة زمزما

ما بيننا يا خل زور و مصلحه
حبك بروض القلب نخل(ن )لا نما

صامد على ريح البعد لو تنطحه
طاح التمر منه و لكن مرتما

عوده قوي(ن) ثابت(ن )في مطرحه
ما زحزحه إلا غيابك دونما

عذر(ن) يجيز الصد وش هو مربحه
يا كود عوج(ن) من سهامه لا رما

صابن طرف جنحان لحظة ملمحه
ثم طاح طيحة حر من زود الغما

يا طير صدري والوجع من يمسحه
لا صار من حولك تماثيل(ن )عمى