السلام عليكم و رحمة الله وبركاته..
عفوية
على الطاير
.
.
.
(( مـــــخــــــــبـــــــــوصـــــــــــــــة))
،،
،
،
يا صاحبي ليه الحياة مخبوصة !!
تظلم وفي وْ وتوفي حقير وْ داني
واخبارها بالتلفزة (مقصوصة)
الواقع اللي يـْضحّك و بكّاني
عصر الصفر بالفاصلة والبوصة
ياهي غريبة يغلط بميزاني
مدري تعمّد حصّتي المنقوصة
ولا ّ تعوّد بالغلط ينساني !!
مثل الكلام بعينه المقروصة
مدري وش اللي يقصده وعدّاني
قصة عباة العابدة (المرصوصة)
ولا ّ الفساد بلحية الأفغاني !!
ولا ّ حُماة اللي انتفخ و ( لصوصه)
مثل الطريق الــ لامني و ودّاني
يا شيخ سمفونيّتك مرقوصة
لي عاد همّك تفعل و تنهاني !!
البرد دفّاني بجمر (برنوصه)
ولا ّ الخوي بذاك الكفن غطّاني
وانا الذي ضنّيتها مخصوصة
ليّ المعزّة لا طلقت لساني
لي بحّ صوتي و اصبحت مرخوصة
دمعة خفوق(ن) كم نطق ((خِــلاّني))
واليوم خايف تنقلب (مفعوصة)
إيدي ليا مدّيتها لأخواني
والخوف الاكبر لو تجي مقصوصة
كنّي طلبت العون من نصراني
البحْر ما كلّ(ن) يعرْف يغوصه
والتجربة صـفـّت فلان و ثاني
كان ( المتق ) حسّ بوجاع (الخوصة)
ما حسّ بوجاعي صديق و جاني
إلا ّ إذا نفسيّته مخبوصة ..
.. جاني يعزّي بموتي وهنّاني !!