أبسط أحلامى
ماقلت لي شي وش خليت ماقلته
اسكت وخل الكلام لجرحي الدامى
.
.
لوغيرك اللي يسولف ماتحملته
لكن على شان عينك هانت ألالامى
.
.
للحب مفهوم عمرك ماتخيلته
ماأظن يستوعبه تفكيرك السامى
.
.
هذا الفراق الطويل وهذي أسئلته
هذا حصاد السنين وهذي أيامى
.
.
ياما وياما عليك البال طولته
والعمرعدى وأنا عايش على أوهامي
.
.
حتى طريق الفراق اللي تساهلته
لقيته أصعب على نفسي من أقدامى
.
.
اصبرلي شوي لودمي تثاقلته
بحاول أستوعب اللي صار قدامي
.
.
الحب ضحكة بعينك بس ماطلته
عمرك بهالكون شفت أبسط من احلامي
.
.
القلب لوماخفق لك كان ماشلته
ولوماأنت ملهم قصيدي جفت أقلامي
.
.
هذا قصيدي بعينك لو تجاهلته
ينزف على شأن يروي قلبك الضامى
.
.
العام طاري غيابك ماتقبلته
واليوم حرماني أصبح مصدر إلهامى
.
.
لاتعتذرلي وابنسى كل ماقلته
وش ينفع العذر لامن ضاعت أيامى ؟
الشاعر :متعب عبدالله التركي المطيري
__________________
لَستُ بِهَذَا الغُرورَ الذِي لَايُطَاقْ ~ ولَستُ الَأُنثَى المُتَكَبِرَه التِيْ لَايُعجِبهَا شَيءْ ..! كُلْ مَافِيْ الَأمِرْ /
أنْ طُهرِيْ ونَقَائِيْ يخَتَلِفْ عَنْ بَقِيَةٌ النِسَاءْ لِذَلِكَ لَاأحَدَ يستَطِيعْ فِهِمِيْ سِوى القَلِيلْ مِنْ البَشَر
ولَرُبمَا العدَمْ !
|