[حمد العبيداني]

(( مُهـــــرَ الندامـــــــة ))
ياجارة لاتلوميني لو سمعتك الموال

على لحن الحسافه صاغه إحساسي

وشهقت بونة تحكي عسير الحال

يردد لي صداها حزن كاتم أنفاسي

سرج مهر الندامة وقام بها يختال

على حسبت فهيم تعشقه ناسي

غروره سيده ولابه شبيه محال

يظن إنه بغروره يحني لي راسي

ويبعثر في ظروف الوقت والأحوال

يبي يقهر سنين العمر الماسي

أبد مايقنعه عزة عزيز عزته تمثال

على صخر الوفا نحتها بقوة البأسي

يغربل كل حميد بشينات أفعال

ويزرع في خفايا الصمت وسواس

يصافيني بجفا عابس إبذمة العذال

واجمع له حصيده ولانيّ بناسي

على كف الوداعة أثري كذبته شيال

يعطر بالعنا جوا صابه نعاسي

جحود الذات وبروز ضحكته بإذلال

كأن القهر له شرع ونوماس

أبد مادام له حال و دامه الميال

مصيره مع حلول الوقت لفلاسي

إلى مني جنحت بفكري الزلال

يعاتبني وفا طبع بالحنا راسي

أصبر نفسي المظنا وحدثها بعظيم الفال

عسا ربي يغير وقتي القاسي

ياجاره لا تحسديني لو غنيت لك موال

إبد ماني طروب بين جلاسي











حمد العبيداني