الليــل عــدا والنــهار بــان ضـــوه
وأنــا لحالــي أعــد كــل الثــوانـي
ناطر وصولك وأرتجي ألــف رجوة
إنك تجي في موعــدك إلى مكاني
قضيت وقتي وما لفا العيــن غفوه
ومن رجفته قلبي بصدري أعاني
أتعبنــي الهــوجاس وبــلاني بلوة
مــرة أقــول يجــي ومـرة نساني
وكل ما لفــا إنســان أنــا قلت هوه
أفــرح وأقــول الــزين بالله جانــي
ومــرة أقــول الوقــت ما حان توه
وأخلق لك الأعذار بــأول وثــانـي
صبــرت وأنا ما عاد لي للصبر قوة
وأندبــه حـظ(ن) للشـقاوة رمانـــي
ناطر وأنا متمنــي الشــوف منــوة
بس الأسف ضاعــت كل الأمــانــي
مل الصبــر قلبــي وأعلنــه جفـــوه
قلبي لي هو قلبي لأجلـــك جفانــــي
راح ورحــل خــلا بالصــدر خلـــوة
الله وكيله لأجــلك أنتــي عصــانـي
في غفلة(ن) مني والوقـــــت هــدوة
سابه مكان(ن) له بيــــن المحــانــي
صــوبك يحــث الســير هالقلب نوه
دامك بخلت بجيتك هو جــاك عاني
جالك وســوي فيــه باللــي تســـــوه
خله معك مــا بيـــه أنا يعـــود ثاني
بينه وبيني ما أبــــي أي رضـــوة
خلاص أنا ما بيــه لــي مــا يبــاني
ما كان بالحســبان ولاهـــي بهقوة
دامه تركني وجـــاك يعني أنانـــــي
اسعد الله ايامكم