يا زهرة العشق
بدربي تعبت أقدامي
والمزن .. هتانها ما عاد يطربني
لا الوقت وقتي
ولا الأشواق .. تلطف بي
ولا تغيب أنت عن بالي وترحمني
تضيق في عيني الدنيا إذا شفتك
ولا قدر كف عشقي يلمس أيديني
نظرة عيونك بعيني تسلب أفكاري
عشقك فتني .. وفاضح سد مكنوني
ترسم بعيني هموم تربك أحوالي
ونحول جسمي .. لجرح طال ظالمني
سنين عمري
اقضي بعضها أحلام
والواقع المر ما يرحم يشتتني
إذا أنت غالي
وعشقك هز وجداني
فلا تمادى .. تنسيني عناويني
يلمني طيفك الوهاج في طرفي
همسك ونيسي .. وإحساسك يسليني
يا شمعة الليل لا تبكي سهر عيني
هذا حبيبي ... على كيفه يسهرني
***
**
*
ـــــ بـ قلميـ : عبدالله الفهمي ـــــــ