[زهرة السوسن]

خَلّي همومُكْ وِالزّعَلْ
......................لا تقضِ أيّامُكْ بِحيرَهْ
جَدّدْ حياتكْ بالأمل
.....................الكونِ ربّي لي يِديرَهْ
لا تشتكي ماضي أفَلْ
.................واضّيّعِ الحاضرْ وِخيرَهْ
اضْحكْ إذا نابكْ وَجَلْ
................تلقَ السعادهْ فْكِلّ دِيرَهْ
لتْعيشِ في وهمِ الفشَلْ
.....................واتموتِ أحلامٍ كِثيرَهْ
إنْ راحِ خِلٍ وارْتحلْ
...............بتشوفِ لِكْ فِ النّاسِ غِيرَهْ
بالحبّ تِرقى والعملْ
..................مِنْ يِبدِ في درب(ن) يِسَيرَهْ
اضبطْ أمورُكْ يا بطلْ
...................بتصادف أفكار(ن )منيره
شوفِ الجَمالِ انسَ الخَلَلْ
...................تِلْقَ الحياهْ حتما مُثيرهْ
دنيا تِعَدّي في عَجَلْ
...................كِلٍ على نَفْسِهْ بَصيرهْ

أم عمر