[سالم سعيد المحيجري]

محاورة شعرية لفن الرزحة بين الشاعرين:

سليم بن مبارك الحارثي وسالم بن سعيد المحيجري

في قروب


🎆 نجوم الشعر والميدان🎆

بتاريخ 3/5/2015

سليم الحارثي:



حاضر يسالم يلك فالحشا تقدير .

وكله عشانك يا الصقر بنذلله

ومنك السماحه ياسالم على التقصير

وهذا جروب ن غالي بشوفة هله.


سالم:



وافي نحيدك عندك مكتب التفسير

مثل الشهد يلي يفرده منحله

وقروبكم يوم انهجر أيزى يسير

عن غيبته واجب علينا نسأله


الحارثي:




الله يعلم ماعندي جروبن غير

هذا الجروب اللي فوادي يفضله

وواجب علينا نزيده فالبنا تعمير.

والحمد لله جهودنا متواصله


سالم:




فالجامعه سجل مقرر له أمير

ومن مثلكم يحكم بحكمه عادله

ويوم اشتكوا عربانكم قلنا فقير

يمكن نجحتوا في حساب المسأله


الحارثي:




فالإبتدائي بعدني مفهم التسطير.

متشوفها سطور الحرف متمايله

وبشيمتك لتجيبني فدرب ن عسير

شايب تراني وحالتي متبهذله



سالم:




من أوله المكتب يعين له سفير

وفي كل ماحه سيرتك متداوله

وأما العسر حن نعرفه شيء ن يسير

واللي مكلف عنكم بنحوله


سليم:




يعجب فوادي الشاطر رجال ن بصير

وصياغتك فيها لحلى متكامله.

وودي بطيبه فيها غيه وزمهرير

في تلتن فيها الشجار مظلله



سالم:



راعي الصياغة ينعرف قوله منير

فنون البلاغة والفصاحة الشامله

ومن غالي التولات نهديك العبير

وحتى البريسم ينعرف من مغزله



مشاركة الختام من الشاعر:


خميس بن سالم الهاشمي

ياصاحبي عند العرب صوغك شهير

ولبستني تاج الفخر ويامجمله

رخصه وسماحة أسمع ناهم التكبير

وبختم مثلنا يا رفيع المنزله.



تمت المحاورة