السلام عليكم ورمضان كريم مبارك للجميع
.....
أضع بين يديكم أول محاولة لي للشعر الحر
وأرجو تقبلها بصدر رحب وبانتظار نقدكم الهادف
وينزف جرحها نورة
وتبكي العمر وزهورة
بدت أعوامها بغيمة فرح
وبعض أحلام وردية تسامرها
على صخر الوفا تنحت
أمل وأحلام
وصار ختامها جرح وبعض أحلام مبتورة
وتسكب دمعها كاالسيل
وصاير موحش هاالليل
وتبكي هاالعمر نورة
وتبكي هاالحلم نورة
ومن يمسح لها دمعة
ومن يضوي للأمــل شمعه
وحيدة والليالي شراع
تبحر ومالها مرسى
ورحلة حلمها طافت
وعدت بحرها المنساب
وهجرت كل مراسيها.....
/
/
/
جتني تشيل همومها والليل مابه نور
تتراكم غيوم الألـــم تنزف حزن نورة
جتني تبي تحكي ولكن حرفها مأسور
الدمع يسبقها الحكي يعبر عن شعورة
والدمع جرّح عينها وساق الفرح مبتور
تبكي ربيع العمر اللي مـــاتت زهورة
وألبوم ذكراها الذي يسكن زوايا الدور
ضاع وتبعثر مــــابقى منّه ولا صورة
ياجرح نورة وش بقى ماباح للجمهور!
حتى الحروف بهاالورق تنزف حزن نورة
ودي ألملم من شظايا الخاطر المكسور
علّ وعسى يجود الزمان بحاظر سرورة
/
/
/
وتمر اللحظة يانورة
أماني وشوق
لهب وحروق
ويتزايد عنا هاالجرح
وانتي مثل ماانتي
أمل ينزف...كنزف جروح
وصوتكـــ ياالأمل مبحوح
وانا ماحيلتي إلا أطبطب هاالجرح يمكن تعود الروح
وترجع للأمل نورة
...................