أوقاتكم طيبة بإذن الله ؛ أنقل لكم هذه القصيدة التي جذبت ذائقتي ؛ عسى أن تنال رضاءكم
ماهو بكيفي يوديني عليـك المطــر
ـــــــــــــــــــــــــــ، واولـــه كثـــر ماتظــن انســان يـوله عليــك
واضحك لحباته المتساقطة وانهمر
ــــــــــــــــــــــ،،مثله ، ولكن تكســــرت بكثر كنــت ابيـــــك
كان المطر ضحكتي تلويحتي بالعذر
ــــــــــــــــــــــ،،،واجمل سبب رتب انفاسي معك يوم أجيـــك
واقول لك : بلل ايامك تعال انصهر
ــــــــــــــــــــــ،،،في داخـــل المــا كثـر ما تقـــــدر وماعليك !
إجمع بكفــــك حروف الغيم ،، لاتنتظر
ــــــــــــــــــــــ،،،اكثــر من الغيـــم ، قبل يموت جــا يهتديـك !
تضحك ويضحك لك الطير النهار الشجر
ــــــــــــــــــــــ،،،وتغمض عيـــونك وتعقـــد عليْ : ناظريــــك
وتقول : ( ودي أغيضك ياطويل العمر) !!
ــــــــــــــــــــــ،،،واقول : طال العمر فيك ، وكبـــر يرتويــك!
الغيض : لاصرت ظامي بك وجف النهر
ــــــــــــــــــــــ،،،فــي داخلك ، والرمـِّـل يمــلاني بضفتـيــــك
الغيض : هذا الغياب اللي ذبح بالصدر
ــــــــــــــــــــــ،كل العصافيـــر فوق الغصن وهي تحتريـــك !
واعيد كل التفاصيل .. الكلام ..الصور
ــــــــــــــــــــــ،،،ملامح الارض ، وجهــي ، وجهتــي تهتديــــك
غلاك .. شعري ..جنوني بك ..ليال السهر
ــــــــــــــــــــــ،،،ملامحـك.. ملحك.. احلامـك.. دفا راحتيك
صوتك.. صباحك..صباك الممتلي بالزهر
ــــــــــــــــــــــ،،،تنهيـــدتك لاخـــذاك الوجــد وما يحتويــــك :
الا عيونــــــي وهــــي تلمــــك وتختصـــر
ــــــــــــــــــــــ،،،كـــل الكـــلام/ المـلام العــــذب ، ورعشة يديــك
واقرا لك الشعر ، تذكر كيف كان الشعر
ــــــــــــــــــــــ،،،تعيـــش بــــه ينفضــــك يتنفســـك يهتويــــــك ؟
كأني احلم ، كأن العمر عيـَّــا يمــــــر
ــــــــــــــــــــــ،،،الا معـــــاك وعليــك ، الا معـــــاك وعليـــــك
عرفت ليه المطر يهــدني هالكثـــــر؟
ــــــــــــــــــــــ،،،ضاقت بليـــاك الأرض وضقت بالأرض فيـــك
عرفت ليه المطر موحش وليه أنكسر
ــــــــــــــــــــــ،،،أوْلـَــْه عليــك أكثر من أول ولا اقدر أجيــــك !!
الشاعــــــر:ـ فهد دوحان