[خليل عفيفي]

المشاركة الأصلية كتبت بواسطة خليل المعمري

وينك وش الطـــاري علامك تباطيت
يااللي خيالك كل لحظـــــه يجيني

تصبح وتمسي وانت مااشوف حنّيت

ولا لان قلبك وضحــكة لي سنيني

وانت الذي عاهدتنـي قبل مااقفيت
ماتعطش لشوفتـــــك وتجوع عيني

من رحت ما مر الفرح داخلي بيت
إي ما ذبحني الحزن بس عاث فيني

البارح وكلّي عتـــــــــب فيك لدّيت
بين الظلوع اللي شكـــت من حنيني

وانته ترضّ جْنوبها كل ما اوميت
في غيبتـــــــك وآنا ولا شي بْـيديني

يا حرق كبـــــدي منك لوني تأذّيت
تبقى ذْهبــــــي واللي بقى من لجيني

لكن اذا ان البعــــــــــد عنّي تحرّيت
الله معك لو كــــــــــــان ودّي تجيني

ما اجبرك ترجـــع م دام انك عيّت
بس الله الله في خفــــــــــــوقي وعيني

أخي الأستاذ خليل المعمري
أيها المتألق في فضاء الإبداع
لدي ملاحظة حول ما لونته بالأحمر أتركه لك ، فقد يكون لديك التفسير
وأما الجمال فحقيقة في قمة الروعة
قصيدة فيها من الجمال ما يستحق وقفات ووقفات
بأمانة ......