الموضوع: زحمة مشاعر
عرض مشاركة واحدة
  #1  
قديم 15-07-2019, 08:36 PM
الصورة الرمزية زهرة السوسن
زهرة السوسن زهرة السوسن غير متواجد حالياً
شاعره
 
تاريخ التسجيل: Nov 2015
المشاركات: 1,764

اوسمتي

افتراضي زحمة مشاعر

داخلي زحمةْ مشاعرْ
.........ودي أحكيها واغادرْ

صرت في لحظة تحدّي
........ما بقى عندي عواذر

اسمعيني ولا تردّي
........ما أبي جبر الخواطر

كنت عصفورة بيدّي
........صرت في كفين آخر

لما من صوبي تعدّي
......تنزف جروحي وناظر

لا تحثّي السير هدّي
......وانظري مسكين عاثر

خوفي يا عمري تصدّي
......والزم سكوتي وصابر

ما أبوح لحد سدّي
......واحترق خافي وظاهر

ترجع الأيام وُدّي
.......ذي أماني قلب خاسر

لا تجيب ولا تودّي
.......احسبيني طيف عابر

هلّ دمعي فوق خدّي
.....يوم ضاقت بي المعابرْ

جيتِ أشرحْ صدْق وِدّي
.......فاتني ما كنت شاطرْ

لا سنة وْسنتين عِدّي
...مسكنك في الروح شاغر
أم عمر

رد مع اقتباس