تساؤلات المعاناة
لـ : محمد المقبالي
و تتنفس صباحاته
تهز الصمت من حوله
تقوم الشمس من كبد البحر خجله
عقب سهرت لياليها
و تغسل عينها من زرقة أمواجه
ويقذفها على السيفه
على ضيّ الشمس تتوافد أشجانه مثل قطعان خيلٍ في الوغى تجري
عيونه من دموع الحزن غرقانه يدس وجه مـ بين فراشه البحري
نبت شوك السهر في بطن أجفانه يغز حــدّه عيـونٍ حالها مزري
تجــاعيد الوهن دبـت من أعيانه زفر أنفاس فيها ضيق مستشري
تقــولوا ضيّها نورٍ يـــا سبْحـانه إإ أنــا يحرق ضياها فلّي و زهري
ينـادي بصوته المخنوق أخوانه أنا ويني ؟و وين وسادتي وعطري؟
أنا ويني ؟ وضعفي طلّ شيطانه يوسوس لي يهد جبال من صبري
تعبت ابكي و روحي حيل شفقانه على ذاك الفـراش النــاعم المغري
دمــــوعي تبتهل اللــه غفرانه تصلي قبل مـــا تنزل على حِجري
كــــآبه تملئ المشفى .. و بيبانه تعلّــق في مقـابضها أمــل عمري
ملل ضيقٍ تساقط سقف جـدرانه أرق يسحب هدوء البال من فكري
قلق ينده من الشرفة على أعوانه صمتْ ينزل بكل ثقله على صدري
تهب ريح الأسى من لون حيطانه تبعثرني على أيّ الطرق مــدري؟؟
يا ليت الشمس ما تصحي
و لا تنشل
شعرها فوق أجراحي
أشوف الليل لي جِــنّه
عن أحزاني و آلامي
يا ليت الشمس ما قامت
و عن عيني غفت نامت
غفت نامت...
|