[إبراهيم بني عرابة]

السلام عليكم و رحمة الله و بركاته ,,,





نــــــــوركـــ بــــعــــيــــنـــي



نورك بعيني و مـــ تطفيه المقادير
ماشوف غيرك ولا غيرك تمنّيت

أشتاق إسمك على صوت المسايير
واشتاق إسمي على لسانك ليا سهيت

اشتاق والشوق ذا للحال تصغير
لاشياء في داخلي تشعل بها “ليت“

و اجمع لشعري سبب شوقي تعابير
وان جيت ادوّن كتبت شويّ و بكيت

للمقفي ملفى وبعلومه تباشير
وانتي رحلتي و قبر العمر صكّيت

يا شعر وقـّف ولا تفضح عنا البير
ولـــَ تلومني نايح(ن) بالصدر جرّيت

كل شيّ في داخلي محتاج تفسير
و بمدمع العين ملح(ن) يجرح المـيْـت

ولــ يجرحه الشوق ما يجبره تخدير
ولا اقول عّييت َ انا والله عيّيت

ما جيت أشكي تعب ولاّ مقاصير
واقول الله يسامحني إذا جيت

لو طال بي الليل واشواقي مساهير
صبّرت نفسي على اللقيا و سجيت

وان كان طيري حلف ذاليوم مــ يطير
طلتك ينطر وصار الصدر له بيت

ناداك والدمع فــ عْيوني طوابير
مشتاقلك يا وليفي يوم قفيت

ينبض بإسمك وعيني باسمك تغير
من لي يشوفك ليا تطلع و ردّيت

يالله عسى تصبح وْ تمسي على خير
أدعيه ربّي يصونك يوم صلّيت

ربي رجيتك و دمعي رجوته يصير
حلمي حقيقة و باسمك ربي سمّيت

يا ربّ تجمعني بْخلـّي وْ هله تجير
ويّا هلي مْن الهموم وكلّ تشتيت

واكرمني بقربه وْ نوّرْه تنوير
وجه(ن) كسيته جمال(ن) يوم أنشيت

وادعيك ربّي ف بعده كلّ تيسير
في دنْـية(ن) مفسدة منها تبرّيت

شفت المساجد بكت و الفيت تصوير
عين انظرت والمفاتن نار(ن) وْ زيت

لا ما استحت والحيا للغير تقدير
والحمدلله بعيني صنت و ارضيت

أرضيت ربّي وصنت اللي له تغير
بيض الجياد وْأنا له حيل أغليت

ويا شوق لو عاشقك ما يفهمه الغير
وش ذنبي ان قالوا بْشوفي تغلّيت

ما ناظرت عيني عْيون(ن) تبي اطير
ولا ناظرت من يظنْ لجله تعنّيت

نورك بعيني و مـــَ تطفيه المقادير
ماشوف غيرك ولا غيرك تمنّيت


,,,