السلام عليكم ورحمة الله
لكم هالقصيده الثانية وبنتظررر تعليقكم عليها
..........
صبااااحك ورد يتساقط عللى خد الشتاء بردان
يدور مثل احضانك عن برد الشتاء يدفيه
صباحك ضحكة ترسم على خد الزمن بألوان
تنسيك الهموم وكل جرح بقلبك تداويه
صباحك ثغر يتبسم ويطرب مسمعي بألحان
يتغنى بأغاني الحب وصوته خاطري يسليه
وانا مثل الذي تايه يفتش بين هالاغصان
عن صوت سلب روحي وخذ قلبي وكل شي فيه
مر اليوم والدنيا ظلام وصاحبي مابان
اتاري الشوق وداني لدروب الغلا والتيه
واسأل ليش يتعمد يعذب خاطري الولهان
وانا الكون لعيونه ابيعه وخاطره اشريه
ليش يباعد الخطوه في دربٍ مشيته ازمان
ادوس بشوك وكم مرة تعثرت وانا امشيه
بنام وبنتظر باكر عساه يجمع الخلان
وعساي افتح عيوني وايدي تحتضن يديه
.................
وسلامتكم