يا الله طلبتك تغفر عننا الزلات
محاورة بين الشاعر سالم بن سعيد المحيجري
ومدير قروب نجوم الشعر والميدان بتاريخ 6/7/2014
والشاعرخميس بن سالم الهاشمي
قال سالم:
يالله طلبتك تغفر عننا الزلات
يامن حضر صلوا على خير البشر
بنثر سلامي عليكم أهل النايبات
أهل المروة والشهامة والنصر
خميس:
ومثلك بدينا بأسمه رب الكاينات
وعلي النبي صلاتي بشفع وتر
وحيا بسلامك سالم يازين الصفات
تفتح دروبن مغلقه مدة ودهر
سالم:
أهل الطرب يلهم صدى فالطايلات
ولهم مروة عند كل ليث وصقر
حيا بسلام ن سر قلبي بطيبات
فضي علومك هات لي علم وخبر
خميس:
أهل الطرب تميزوا ولهم سمات
واحنه بنظرهم صرنا مانسوي ضفر
وقروبكم يصبح ويمسي في سبات
ياهالعجب واعجبتي من هالأمر
سالم:
هيد يصاحب عن دروب المرعبات
ولا تدلني دربن يبكيني بعبر
نالوا شهايد والهدايا بالميات
والصاحب العاقل يدلك بالفكر
خميس:
كم ماصبرنا وذقنا مالصبر مرات
وكثرالصبر ياصاحب يزيدك قهر
خلى الشهايد حالهم منبا صفات
عندنا موازين العدل لأهل الفخر
سالم:
يخميس بوصيك بنصايح كالعضات
إسلامنا قايم على شور ونظر
لوما محمد والنبي والطيبات
نلنا جوايزوالأجر مثله وكثر
خميس:
سالم تبعنى ياأخي بس* م الهوات
كل مامشيت يمين تمشيلي عسر
خليك فاهم وتبع قصتى بثبات
علوي دروبي وانته قاصدلي مصر
سالم:
بختم مقالي وبزيده الشعر أبيات
الله ذكر آية فآيات العصر
واليوم بو سالم عود العبرات
الله يعوده على خليله م السفر
تمت
|