[عامر بن محمد الحجري]

السلام عليكم أساتذتي

عذرا للغيااب ، ولكن مالنا حيلة في الظرووف

يعلم الله كيف نشتاق لها الصرح العظيم


بعد الغياب ، نص قديم نوعا ما ، جديدا عليكم

عسى ان ينال على رضاااكم



قالـت تحب ،، وقلت كـيـف المعـالـيـق
قالت تذوب إن جيت وان رحت تقبض

قلت السبب ،، قالت معي صار تفريق
شفتـك رفيع ، وللردى الناس تركض

قلت العـمـل ،، قالـت أبي منك توثيق
عهـد المحـبّـة بيننا ،، اليـوم نفـرض

قلت اسمعي يا بنت ،، نشّفتي الريـق
نحّى ضميري عن ردى الحب واعرض

ماني من أللي هـي دروبه .. مزاليق
مرة صحيح ،، ودايم الوقت يمرض

قالت تمكّن ، صبر ، لايحدّك الضيق
مثلك أنـا ،، ملّـيـت لي صار يعـرض

هـذا أدّعى حب ٍ يساوي المخـالـيـق
كـلّـه غــرام ٍ كـاذب ٍ مـنْـه يـقـرض

قلت اسمعي ، مني لك الحب ما ليق
حب الأخوّة ، والوفاء فيه .. ريّض

أمّا أصول الحب وأسمى المواثـيـق
مذخور ،، للي بسكنه عـمـر ينبـض

هـذي قـنـاعـاتـي بـلا أيّ .. تـلـفـيـق
عايش عليها من وانا صغير مانقض

عسى نصيـبـي من خيـار التوافـيـق
وعسى نصيـبـك يحتـوي هاني الحظ

معك معك ، حتى يجي يـوم ونفيـق
ومعك معك ، باللي تشوفـيه يحـفـظ



هذا وإلى لقااااء قريييييب إن شاءالله

تـحـيــاااااتــي لــكــم


عـامـر الحـجــري