[أحمدبن عبدالله المعمري]

البارحه في ظلمة الليل العتيم

تطرق علي شمس الصباح

وفي عتبة الباب القديم

نام القمر والليل طاح

مسکين احساس الفقير

دايم يحس انه وحيد

وان حس في يوم سعيد

يحلم بجنحان الحمام

يحلم باحضان الغمام

ما همه العيش الرغيد

من لقمة العيش الزهيد

دايم يحس انه وحيد

ف زحمة الناس

او بمفرده

والناس دايم تزهده

ادري القمر

ماعاد يتحمل جراح

والشمس تشبه للغدير

اللي يجف عند الغروب

والليل يشبهها کثير

لکن يجف عند الصباح

وادري القمر

ماهو الفقير

اللي ينام

في عتبةالباب القديم

وما هو الفقير اللي يتمنی

الصبح ثوبه يستره

وماهو الفقير

اللي دموعه

تشتعل في دفتره

هذا انا کلما

اشوف الليل

استوحش دجاه

هذا انا

لما اشوف الصبح

يسترني ضياه

وانا الفقير

اللي جيوبه

تملي الکون

الکبير.

تحياتي أحمد بن عبدالله المعمري