وش تطمعين؟!
بأكثر من اللي تعرفين
يا سارقه لب الحنين
المر من عذب الوله
وش تعرفين؟!
من قصتي
غير الحبر وسجارتي
والليل وضيوف القمر
والشوق يمسح دمعتي
من فوق خد وسادتي
نام الحنين
في حجر مقله دمعتي
والحب مرت به سنين
غافي بحجر الياسمين
يا آآسره بوحي بصمت الناسكين
للقلب شكوى عند رب العالمين
يا مؤمنه
ما ترحمين ؟!
اللي تولع تيه وتعذب غلا
كلما طرف رمشك برمحه
ارتما
هل للجفاء إلا الجفاء
والعاشقين ادرى
بحال العاشقين
يا ظالمه ..
يا ساكنه في مدمعي
واعماق وجدي ومسمعي
يا مرهفه مثل المطر
للأرض والطين الحزين
عطشى الملامح تنتظر
باحساس وعيون ونظر
امتى على الله ترعدين
وتبللي وجه الحنين
يا قارئه كف الشعر
وش تعرفين ؟!