[عبدالكريم السعدي]

المشاركة الأصلية كتبت بواسطة خليل المعمري

مساكم خييير
بمناسبة االعيد الوطني


ملاحظه القافيه في الشطر الثالث تكون مشدده


ياوطنا وانته بخير وسلامه
كل سنه يارب وبعز وكرامه
نحتفل بسموك وفيك انتغنا

كل سنه والمجد يامولاه عبدك
والرفاع الشاهقات الطول بعدك
والشرف بسمك مع العزه يكنا

سر حماك الله وسلطانك وشعبك
بين غر السحب شق اليوم دربك
قايدك مخلوق للعليا.. وحنا

في مثل هاليوم هل هلال عيده
وللسما اشر لنا في كف ايده
وقال وايده بالسما..هذااا وطنا

اركبوا للمجد كل معنقيه
مع بدايات الضحى والشمس حيه
وقتنا ذا..والزمن هذا زمنا

للوطن آبائنا عاشو وماتو
وعن بناه ورفعته مايوم باتو
كم لعزه حد مسلول تحنا

العماني طيب واقدام ومروه
بينه وبي الشجاعه عهد خوه
نحمد الله مالنا يوم جبنا

وسمنا صبر وقو باس وعزيمه
وحب للصعبات واصرار وشيمه
والمكارم بالمكارم وسمنا

نصبح ونمسي على جزل العطايا
ومالنا بالعاثر وشين السوايا
والكرم رجل خلق فينا ومنا

ضيفنا يقرب على طيب وكرامه
ومن زبن فينا حفظنا له مقامه
ما يضام ولا يذل اللي زبننا

نكرم الصادق ونسعى في سبيله
ومن على هاماتنا حنا نشيله
والردي ماداج في ارض سكنا

لاحرمنا منك يالحر السنافي
والله يردك لنا بخير امتعافي
والولد في قرب والده يتهنا

فيك يانوماسنا مااحنا نلححق
ناقصه والا بسبق الطيب نسبق
ذي عوايد ربعنا وهذي سننا

دمت يالحصن الحصين وطال عمرك
وكلنا في شورك ومن تحت امرك
والله يحفظك لنا ويحفظ وطنا

سأكتفي بنسخ الجمال والتصفيق الحار لابداعك..

خليل أسمك بدأ يأخذ وضعه بين العامة.. والجميع اصبح
يشيد بشاعريتك ويمتدح حضورك..


اتمنى لك التوفيق.