راحة سريه
صحيح هذا العام راحت سريه
لكن تعوضها الليالي المدابير
يا صاحبي حييت والنار حيه
ترحيبة ما شابها أخوة البير
وأيضاً نجند للنفوس الوفيه
ومهارنا ما شببوها المخاسير
واللي يدس النار تحت الهديه
وجه صفالك دم والسم تحذير
مثل العجوز اللي فدار الغزيه
والفارسين وصحبة فوق تصوير
هي فرقت بين الخوي وخويه
وتساءل الركبان عجبن وتاثير
لك الوفاء ترحيب مع زود غيه
سيد ولاد الذيب نايف عن الطير
يا مرحبا به مطلعك يا بديه
مطلع شموخ ارجال عسرن وتيسير
ان كنت مسرج خيل هم نار حيه
أو مردفن بالمنقيات المغاتير
ونعم بصحاب السنا والحميه
هم مكرمين الضيف فالبرد والسير
سيرتها لك ربعتن شاذريه
محفوفتن بالطيب وقبالها خير
من بدل امهار الرفق عند خيه
ومهارنا ما بدلتها الأساطير
وانتم حمنا فالليالي الغشيه
احلافنا أصهارها حربٍ ودير
وحن للرمك موقضين الشظيه
صفن إذا خاض الوغى حالك الكير
صالح السنيدي