[يقظــان الشهيمي]

سذاجــه


عِدْ القصايد يا زهيد الكتابات...
والبال رايق دام حسّي يروقه

ترجام شعري هز كل الحسابات...
أوزان قافي فارعاتٍ عذوقه

يالله فداك النص وجميع اﻷ‌بيات...
عقل المغفّل يفضح اللي يسوقه

وأن كان قولي يشعل النار هيهات....
النار شبّت لجل حق الصدوقه

وأن كان قولك شاعر العصر قد مات....
هيضت فكري وأضحك الصدر فُوْقِهْ

يا كره ناسٍ تصنع الشعر لذات...
ويا كره ناسٍ تقلعه من عروقه

ويا كره ناسٍ تكتب الشعر حاجات....
ما ظنت اﻹ‌ شاعرٍ في طروقه

يحسن عزاكم بالغين السذاجات...
اللي يجامل خاطرة للشفوقه

في منتدﯼ كانت قصيدة عن الذات...
بلسان شاعر هقوة الذل رُوْقه

ﻻ‌ زال مُشرف يرفع النص أوقات...
وأحيان ضيقة في بريدي حروقه

أبيات شاعر جاتكم بعد اﻹ‌ثبات....
الظلم فيهم والحقد شق موقه


يقظـــان الشهيمي