* يـا خـوي لا تحسف ............... ( الى طـالـب العـلـم ) *

[عامر بن محمد الحجري]

السلام عليكم ورحمة الله وبركاته

أساتذتي وأصدقائي الكرام ، أتيت من جديد الى هنا
الى هذا المكان الرفيع بأهله وبأصحابه الأعزاء

بنص عسى أن ينال على رضاكم ورضى المشاركين جميعا



ياخوي لا تحسف على اللي مضى وفات @ أرعـى زمـانــك قــبـل لايـحـلّ حـلـّه

مـا دمـت فـي نعـمـة وفـي خـيـر راحـات @ الحاضـر أولى فـالـزمـن تـسـتـغــلـّه

وما دمـت طالـب عـلـم ياخـوي قـل هـات @ بوصيـك واسمع مـنـي الـقـول كـلـّه

فـي هالـزمـن مـا يـرفـعـك فالـمـجــالات @ غـير الـذي قـايـم عـلى الحـق والله

واللي يـقـول الغـش يـفـتـح مــســارات @ مـن زود ضعـف ٍ فـيـه يـوم ٍ يحـلـّه

مـا قـد سـمـعــنـا بـه محـقـق طـمـوحـات @ ولا دام خـيــر الـلـي تـهــنـّا بـظـلـّه

أسـعـى وثـابــر واتـرك السـوف والآت @ ما ينـفـعــك غـيــر الـذي تـسـتـهـلـّه

كــمّ ٍ وكــمّ ٍ قــبــلــنــا لـلــدراســـات @ شـام وتـغــرّب فـألـف حـلـّه وحـلـّه

فـوق الـبحـر غامـر عـلى ظهـر لـنـكـات @ جاسى العواصف والهـبـايـب تـفـلـّه

وعـلى الـوسـيـعـه شـق بـيـدا وسـاحـات @ فـوق الـذلايـل والصحـاري تـضـلـّه

لاجـل الـتـثــبّــت فـالـعـلــم والـزيــادات @ مـقـضـي زمـانـه سـاعــي ٍ لـلأدلـّه

نسـمع قصصهـم حـد فـي شـومـتـه مـات @ وحـدّ ٍ دنـتـّه دنـيــتـه لـلـمــحــلـّه

والـيـوم كـل شـي ٍ قـريــب الـمـنــالات @ فـيـديـن مـن هـوْ صـابــر ٍ ما يكـلـّه

تـلـقـى المـصـادر والـشــرح والمـقــالات @ فالـنـت ولا فـالـكـتــب والـمـجــلـّـه

قـد قـصّـروهـا بـيـنـكـم هالـمـســافــات @ واصـبح على النـاظـر ومجّان شلـّه

خـلـّي طـمـوحـك بـس عـالـي ولا تـْحـات @ ألـلـي تـريـده مـن كـثـيـر ٍ وقــلـّه

فيديـك ، لو نفـسـك عـلى صـبـرهـا جـات @ تلـقـاه صـافـي مـثـل مـشـروب دلـّه

بــس السـعــي واجـب لـهـا بـجـتـهــادات @ والـلـي مـقــدّر بـاتــشـوفـه فـحـلـّه

وانهـيـك لا تسـْمـعـه راعـي الـمـتــاهـات @ ياللي مـسـوّي مالـصـحـيـبـات مـلـّه

تـردى حـيـاتـك ثـم تـصـحـبــك لـوعــات @ ويشيـب راسـك وانـت فالصغـر فـلـّه

ويضـيـق صدرك بالـعـنـا طـول الاوقـات @ ويـزيــد هـمّـك لـيـن دمـعــك تـهـلـّه

ومن بعْدها بنهـيك عـن صحـبة الـشـات @ ألـلـي حـوى لـه ألـف مـلـيـون عـلـّه

أللي جـنـاه الأمـس ، هالـيــوم مـا بــات @ والـلـي جـنـاه الـيـوم ، بـكــره يـذلـّه

شخص ٍ يباكي شخص وخواه بسـكـات @ وشـخـص ٍ تـجـنـن يـوم جـفّـاه خـلـّه

هذي الحـقـيـقـة حـولـنـا كـلـّهـا شْـتــات @ قل الحيـاء والـديـن والـخـوف مـ الله

أبـلـيـس يـغــويـهـم عـلى كـل لحـظـات @ ويـقـودهـم قـود الصّعـايــب بـغـلـّه

وهيهـات من هـوْ يلعـن اليـوم هـيـهـات @ لا صـار يثـنـو فـعـلـهـم وسـط شـلـّه

سـيـر الليـالي عـنـدهـم سـيـر سـاعـات @ والعمر يقصر ، ويـل مـن هـوْ تـبـلـّه

ما حسّـبوا مـن بـعـدهـا حْسـاب وآهـات @ والمـوت في لحـظـات سيـفـه يـسـلـّه

هذي وصاتي كنت تحسبها ذي وْصـات @ وعـلـّه يـفـيـد القـول بالـزيـن عـلـّه



هذا ، والى لقاء آخر أن شاء الله

تحياتي لكم // الحجري