( الغيم و الحرمان )

[حمود الحجري]

المشاركة الأصلية كتبت بواسطة علي الغنبوصي

من بعد غياب

النص الفائز بالجائزة التشجيعيه و المركز الخامس بالملتقى الادبي السابع عشر في نزوى

آمل ان يرقى الى ذوائقكم

(الغيم و الحرمان)

انا اللي عصرت الغيم سايلت لك وديان
لجل يرتوي جدبك نشف كل ما فيني

كذا كانت القصة مع الغيم والحرمان
كذا كانت الهقوه تهاوت على ايديني

اجي منتشي بالريح وانصب لك هتان
عسى ينزرع بك حس في يوم تحييني

تناثرت لك بالفي بقايا حطام انسان
الامس ثراك اليوم يمكن يداويني

على الله بقايا الشوق متبخرت نسيان
على حرّ شمسك و الامل ميّت بعيني

ترى مشكلة غيمي على ثورة الوجدان
ثقل محتوى صدره حمل لوعة سنيني

برق خافقي من شبة النار والكتمان
و رعد الوجع صوته وقف بينك وبيني

شرب قاعك الخاوي سقوطي وانا ضميان
وانا اللي هديت لباكرك وردي وتيني

عتيم الحزن ما زاح لو جيت له عتبان
عباته على صبح الصبر عيّت تعيني


تخيل زحام الغيم من قفلة البيبان
قفولك صدود البارحه يوم تنهيني

انا هالفضاء ياهيه ما كان لي صنوان
تصور مكانك قبل ترمي و تخطيني

تصدق نفضت القلب ما عاد به ما كان
خذتني هبوب الريح لا تنشدي ويني

علي

هي ترنيمة بالفعل
قصيدة حبلى بماء الشعر