خليـــج المحبـــة

[سعيد الفطيسي]

قصيدة لها ذكريات جميلة تشرفت بإلقاءها خلال أحد لقاءات العمل التي جمعت بين الأشقاء الخليجيين على أرض السلطنة الحبيبة

خليــج المحبـــة

... " للمعالي ثريا وللمقاصد مسير"
ومن بغى العز لازم قبل يحسب حسابه ...
... قدرة الله التقينا واللقا فال خير
كلمة الله اجمعتنا واللقا مرحبا به ...
... ما انكسر هاجس اللي للطوايل جدير
قوة الباس ترقى فوق هام السحابة ...
... يا خليج المحبة سير واحنا نسير
لك عهد والتزامٍ كل منا اعتنى به ...

* * * * * *

... السعودي هلا به واشهد انه كبير
ضيف غالي علينا صدق ما ينسخى به ...
... منزلك في عيوني وان حصل في النظير
والتقيك افخفوقي بالغلا والرحابة ...

* * * * * *

... يا إمارات زايد انتي جبر الكسير
وانتي فخر العروبة وانتي للحق لابة ...
... درة الغزر هذي ما لها من نظير
لو أنا قلت فيها ما وفتها الكتابة ...

* * * * * *

... والكويت العزيزة لك غلا في الضمير
ما بعد حد غيرك يوصله أو درى به ...
... نور الكويت نوّر واحنا به نستنير
أعشقك عشق وسمي للهشيم ف ترابه ...

* * * * * *

... والصراحة فقلبي شلت شيٍ مثير
لين بش وطرب له والفرح دق بابه ...
... أقصد الود صوبك يا قطرنا يطير
لك نأدي التحية والندا والإجابة ...

* * * * * *

... كل هذا وشوقي لك يا بحرين غير
دونك السعد قاصر ما اكتمل في نصابه ...
... فز لك قلب صافي مثل نبع الغدير
واستثارت شجونه صوت لحن الربابة ...

* * * * * *

... والوطن في عيوني وفي خفوقي يسير
نبض فعروق دمي حل فيه وسرى به ...
... لك وفا لك محبة لك غلا ما يصير
يا عمان الحبيبة يكفي اسمك مهابة ...
... والوفا فوق ذلك للزعيم الكبير
راية العز بإيده والمجد في جنابه ...
... بك رقينا النوايف لو مناله عسير
دمت قابوس اسمٍ كل من اعتزى به ...
... للمعالي ثريا وللمقاصد مسير
ومن بغى العز لازم قبل يحسب حسابه ...

سعيد الفطيسي