هـــيــمـــنــة

[منذرالفطيسي]

المشاركة الأصلية كتبت بواسطة إبراهيم بني عرابة

السلام عليكم و رحمة الله و بركاته



هـــــ...يــــ..ــمـــ..ــنـــ...ــــة
*
*

*
*
*
قول آمر يا حبيبي أيش بس اللي تريد !!
هذا حبك يا غناتي في خفوقي مسكنه

حتّى دمّي لك تطوع يشتغل ساعي بريد
قول آمر.. بسْ تدلّل.. كلّ حاجة ممكنة

يا سهادي ويا رقادي ويا عنا قلبي الوحيد
يا دموعي ويا جروحي ويا وجاع الأزمنة

ساكن انفاسي غلاتك ذوّبت فيني الجليد
كلْ خليّة من كياني باسمك انت معنونة

شوفتك تسوى بعيني كنّها مليون عيد
والزوايا دون حبك في حياتي محزنة

من أشوفك روحي ترجع ثم حياتي أستعيد
والسبب يا نبض قلبي -مثل عقلي خزنه-

(ينفرز هرمون ثاني يقلب احساسي سعيد
كنّ حبّك ثار فيني والدماغ استوطنه)

يعني ذا ما هو بسبايب نقص أملاح وحديد
إلسبب شوفك.. و شرحي أعتقد لك برهنه

حبّك الوافي كسبني والغلا دايم يزيد
من كثر زوده تعلّى كلّ أرباح السنة

تضرب الأسهم وتنزل و انت من نوعك فريد
ثابت(ن) قدرك حبيبي ماهــِ حالة مزمنة

حالة البترول تلعب تخفض وترفع رصيد
و انت مدري لي رصيدك صعب شخص يثمنه

في حشا صدري غلاتك وانت في قلبي الوحيد
منت به إنسان عادي يْمرّ ريح وْ يدفنه

وانا لو تحكي حروفي (حبي لك دايم جديد)
جيت أحكيها صدِق - ماهي حبيبي مشطنة

لو يكون الحبّ بلوة وانت لافراحي ضديد
أو يقولو لي يقولو عن ودادك.. أدمنه

يا بعد كل الخلايق حبّك فْـْـــــ قلبي أكيد
بسّ انا لا جيت أوصف حبّي لك ما أتقنه

و انت لا جيت اوصفك ما يكفي الحبر و يفيد
لنّ وصفك ما يوفّه ذالشعر لو أحسنه

لين غطّيت فـــــــْ سكوتي .. متعب(ن) وصفك عنيد
دام قلبي من عرفتك صار يجهل موطنه

صعب حبّك يا حياتي كسّر حروف القصيد
كلّ معنى لك كتبته كان يبغي حرفنة

لا بغيت اختم بكلمة وابتدي بحرف(ن) جديد..
رحت أبحر في فضاك وْ ما قدرت ارجع هنه

تشرق ايام(ن) ولكنّي عن المينا بعيد
لو أوفّي بيت واحد من جنوني أحظنه

لين نادتني الخواطر.. قلت باصراري أكيد
أوصفك فيها بسهولة وْكل وصف(ن) أتقنه

صرت أوصف كلّ حاجة.. بسّ وصفك لم أجيد
لين ضقت وجيت أرمي إلقلم دون افطنه

ما دريت بوقتها إلاّ بجرح(ن) بي شديد
سال دمّه عالورق وانا بذهول اتمعّنه

تدري دمّي وش كتبلي.. من وريدي وللوريد !!
خطّلي كلمة (أحبك) ثم ّإسمك دوّنه

من عقِـبْها صرت اناظر مثل نظرات البليد
حتّى دمعي اللي بعيني صرت عاجز أسجنه

و بْكثر قوة ذهولي قمت ارددها وْأعيد
أعترف إنّك حبيبي.. {حبّك اكبر هيمنة}

بنو عراااابه

لاول مرة اقرا لك

نص جميل وراقي

بالتوفيق صديقي

ومبرووك مؤخراا