كــتــــاب <<< بقايا غايبة >>> مصافحة أولى للسلطنة و من فيها

[وصايف تهامية]

المشاركة الأصلية كتبت بواسطة تركي الحبسي

وصايف تهامية,,,, أهلا بك ملايييين*


القصيده جميله من عدت مقايييس..
تسلسل الفكره رهيب
المفردات جميله جدا
الحضور الشعري راقي وحماسي
الصور الشعريه خلابه وقويه

القصيده بشكل عام أبداع؟؟؟


السطر مايل في الكتاب .. اللي حسبت انه كتاب
و اثره بقايا ( غايبة ) مال السطر في ميلها



طاحت بعد ما ياسها زلزل رواسيها و خاب
كل الرجا في المقبله .. و الماضية ترثي لها



تندب قصيدة غاليه هي للذي راحل زهاب
و هي دلة الضيف الذي مشتاق جابه هيلها



و هي اغنيات اللي رجع لاهله عقب طولة غياب
و هي امنيات اللي وصل حده .. و قام يخيلها



في نصفها الأول عثت باللي قراها لين ذاب
ضيّه و كمـَّـل نصفها على ضيا قنديلها


عاش العمر في طيها في غيها و يوم استتاب
مات العمر .. باخر سطر عنده نست منديلها



قصيدتي من غيَّـرك ... من لبَّـسك سود الثياب
وين البياض اللي ملا الدنيا و ضوَّى ليلها ؟؟



قصيدتي يا ظبيتي من علـَّمك .. طبع الذئاب؟!
ما لاق بك ..يا الراقية .. عقب النقا تظليلها



وينك تعبت أدورك في النبض في وجيه الصحاب
في احلامي اللي كلها صار الشقا تأويلها ؟!


وينك تعبت أرددك يرجع صدى صوتي مصاب؟؟
يا سيدة بوحي .. ترى روحي غدت ردي لها



يا روح ديواني ... الذي ضم الصبا و يا الشباب
من أول الغيث النقي لين الرياح و ويلها



راحت و كلن ينتظر من خيلها رد الجواب
بس الجواب اللي لفى .. جانا .. بليا خيلها



ما عاد باقي بالبيوت اللي كتبناها عتاب
من كثر ما هو جرحها منك مزود كيلها



ما عاد باقي بالعذوبة الاوله غير العذاب
استودع الله مابقى غير اننا ندعي لها



راحت و جت من عقبها من ميلت حظ الكتاب
و من زود ما هي مايله .. مال العمُر في ميلها




قصيدتي قصيدتي يا ذنب عالم يوم تاب
حط الخطايا كلها عندك و رد لشيلها



قصيدتي يالمترفه يا دايمة بعز الشباب
يا هايمه بشيب الورق يا عايمه في سيلها



بعضك ينادي حاضر(ن)غرر بروحي لين غاب
و بعضك بقايا غايبة كم لي و انا انادي لها



من قال لك يا الوافيه إن القلوب بألف باب؟!
و من علمك يا الجافية عقب الغلا تقفيلها؟!



من سلـَّـمك مفتاحها؟ من حمـّـل حروفك رقاب
ناس(ن)مشت في حالها و انتي نسفتي حيلها



من قال لك إن العذاب اللي كتب ذاك الكتاب
هاجس بخاطر شاعرة عابر فـــ تالي ليلها؟!



روحي اسألي من حبها منهو قراها لين ذاب
ضيه و كمـَّـل ما بقى على ضيا قنديلها



يعطيك من بعض الشقا اللي لقى بعض الجواب
يقول حبيت الشقا يا ناشده حبي لها



كانت عذاب(ن) للقلوب اللي رمتها للعذاب
كانوا كثير اللي فنوا لعيون فتنة جيلها



كانت سوالفها مطر .. يا ثغرها قل للسحاب
ظاميك روحه حطها عندك و لا بيشيلها



غابت .. و أنا بسطورها.. و العالم بعز الغياب
أدعي و كلي ظامي(ن) لوصالها و كلي لها



يا نيل ما بك عقبها للظاميين الا السراب
و لا بقى عندك عزا للي شرب من نيلها



غابت و انا بآخر نفس....بآخر سطر بآخر كتاب
هنا انتهينا يا شقا.....و اللي بقى منديلها

حياك الله ياخوي
تسلم و ماقصرت و يسلم لك غاليك شاكرة لك طيب مرورك و سخاء ردك
و لكن ما سر ماكتبته بلون مخاف هل راق لك أكثر أم لديك ملاحظات عليه ؟؟؟!
دمت و أحبتك بخير
و كل عام و انتم بخير

احترامي و سلامي