(( بوحُ الذات ))

[سالم الوشاحي]

الـعـي صـبـاح ودايـــم الـوقــت مـقـبــور
بـيـن الألـــم والآه تــسـمــع ونــيـــنـــي

مـبطي وعـوقـه يـنـسف الــراح ويـــثـور
كــــنّ الـمـراجـل مـن حـطـبهـا تـلـيـنــي

ونّيـت مـن صـرف اللـيـالـي وهـالجـور
صـرخـة تـهــز الـــدار مـلـهـا عــويـنـي

عـمر الـفـتى مـاشـاخ والموت فـالــزور
غـيـر الـذي بـالـكــون عـالـم يـقــيــنـي

سـاتـر خـفـى الـخافي بلا نقص وقصور
سبحان لــي لــه الامــر واضـح وبـيـني

[سالم الوشاحي]

ياشوق وش بك سارق النوم عنّي
مــلّ السّهــر جفني وضيّع رقــاده

فرقى الأحبّه ســمّ واكــبر فــ ظنّي
تقهر خـفـايـا الروح قـبـل الأبــاده

مـافـاد صبري لـو ملكت الـتـمـنّـي
ابـــكــــي ولا كــنّي قــــوي الإراده

[سالم الوشاحي]

يــاعـازفــه م الطـيب حـلـوات للـحـان
جــرّي عـلـى عـوج الـمحـانــي غناوي

أبـيات مـن نـظـم المشاعر والاشــجـان
أمست شـواردهــا تــهــيــم ابــخــلاوي

أجمع غزرها واكـتب الـشـعر مـيـــزان
للـي فـيـهـيـم وصـايـد الـحـرف غـاوي

عن حـزّة الـمقـصـود لـو صغت ما بان
خـافـي وخـافـنّـه خـفـيـف ابـتـســــاوي

متن الـقـوافي الـشـمّ وحـروف تــزدان
بـاحـلـى الـمـعـانـي والأمـانـي رجــاوي

أسـرج خـيـول الـعـزم واعيش طربـان
بـيـن الـورود الـبـيـض أجـنــح وداوي

وقت الشروق وهبّت الــريف ريحـان
أوكـنّـهـا الـمـشـموم بـالـطـيب ضـاوي

نـفـحـة عـبـيــر وزاده اللــيل تـيـجـان
مـابـيّن الـخـافـي واصـيـح ابـجـفــاوي

[سالم الوشاحي]

ويـن الـبـدر يـاقـرّة الـعـيـن بـاســــال
حـل الـظـلام وضـيّـع اللـيــل بـــــــادي

خـذه الـنـيـا والـوجـــد فـاضـح وقـتّـال
مـالـه دوا بـالـعـون يـدمــي الـفــــوادي

مـابـيـن حــرات اللـهـايــب ولــوجــــال
عـشـت اللـيـالـي فانــتــظــاره ابسهادي

تـدهمني الأشـواق حـالاً فــ ثـــر حــال
مـاغـيّـر الــواقــع شــعـيـل اتــقـــــادي

دمـعـي عـلـى الـخـديـن كـالودق همّال
سـوّا مـــيـاري اثنين فــوق الـوسـادي

كنـي عـلـى نـاريـن بـي تـشـعل أشعـال
مــن ويــن اقـــدّيــهــا لـهبـهـا يــــزادي

شـف الفيوي اللي بـهـا الـريــح نــزّال
غـطّـــــت شوامخها غـمـيج الـسـوادي

واعـوت ذيـاب البر واستوحش الـفـال
عـقـب الـريـاض اللـي تـهـف الـبـرادي

[سالم الوشاحي]

يـانـسمــة الأريـاف هــبـي ع الأطـلال
حـــل الــربــيــع وفــتّـح الــورد كادي

وآنــا ربـيـع الـعـمـر مـــابـيـّن اقـبــال
طال الشتاء والــبـــرد مبطي وهــادي

بـيـن الألــم والـضـيـق جـرّيــت موّال
آخــايــل الـفـرحــه وهــي فــ ابــتعادي

وارجــع إلـى الـماضـي وذكراه فالبال
مــاخــازت اضعونه ومــيـراه غـــادي

بــدر الـسمـاء ونور القمر يللي اختال
مـهـد الـحـنـيـن ومقبل الـعـمـر بــادي

ولــد الـحـرار اللـي ربــى بـين الجبال
شــمّ الـقـمـيــم وممــحــلات الـصوادي

جـرنـاس مـاهـمــه طـريــده إذا مـــــال
يـلحـق عـلـيـه ابصيت دون ارتــــدادي

[سالم الوشاحي]

ذكـرتـني يـاشـوق باللي لـهـم شـوق
داخــل ســويـدا القلب تتواقد أشواق

مـن وازي الآهـات حسّيت بحــروق
تـاخـذ هـشيم الـقـلب مــاتترك أوراق

ولاتنطفي بالشرب او ترتوي عروق
قــلبٍ يــزيــدة لافــح الشوق مـا لاق

أرفـق عـلـيك بـسمت لاتـاخـذ سروق
قـلـب الـوفـاء مايـقـهر الـيـوم الأفراق

صـابـه قـحط مـايـاه مـن وابـل بروق
أرضـه أجدبت والـسيل ماسيّل وساق

عـقـب الـمـحل ماويّـه الغـيث بـدفـوق
صــدّه زمــان وصـاحـب الــود ماذاق

طـعـم الأكــل والـــزاد مـــابـدّه بــذوق
دنـيـا عـسـفت بـه مـالقى غير الاعواق

يـالله عــســى فــالأخــره ليــه حــقـوق
يــوم الــوقـوف ويكشـف الحق ماضاق

[سالم الوشاحي]

أواه يــاروحٍ حــــوتـــهــا مـديـنـه
صفّت شواهدها ع شرق وشماليه

تحـت الـثـرى أسكنت خالي يمينه
واقبرت سمتٍ في لحوداً تـنـاديـه

وخرّت دمـوع العين ترثي حـنـينـه
وينه جليس العصر صخت مياريه

تحت الـيدار اللي تـقـفـت يـدينـه
يقنص من علوم الزمن مايواليه

بحراً غزير وموج يقهر سـفـيـنه
صدراً رحب والطيب نعهد مباديه

يالله يــاعـالـم مــواثـيـق ديـــــــنـــه
تــرحـم فقيد الــدار وانـتـه توافـيـه