مكتب الدكتور

[محمد بن ضحي]

سامحوني على طول الغياب
هذه القصيدة لتسجيل الحضور وكسر حاجز الغياب

مكتب الدكتور

من قبل ادخل مكتب الدّكتور خزّتني بعين
وتناثرت من رمشها بسمة وعلقت بالشفاه

ثم قلت في نفسي تهيّد ريض هدّي حبّتين
بأنواع كلمات التّروي قمت اخبّي الانتباه

ربعي يقولون: الرّجل لامن ثقل يدعى رزين
وادري بأن طبع الرّزانه زاد أهل الجاه جاه

بسّ المهم حاولت أسرج خيل خفاقي لحين
عشان لا من صدتها أتبخّر ف أي اتّجاه

اسري بها ببساط شعري في سماوات السنين
واعتاش من نظرات عينٍ توهب الشايب صباه

هي بسّ لحظة واورثتني فوق حظّ الأنثيين
من ثمّ باعتني لنفسي ثم شرتني آآآه آه

قرّبت منها وقلت يا زينه انا محتاج زين
ممكن تبيعين العذوبه لشاعرٍ سحرك خذاه؟

جاوبني صوت الكعب: قفّت. وانعقدبي حاجبين
وايدي تدثّر خدي الراجف وتسأل وش بلاه

دارت عليّ ورجعت بمقادر ثلث وخطوتين
نظراتها كالسّهم يطعن صدر صبري وكبرياه

في ركبتي زلزال في صدري براكين الأنين
ونفسيّتي طفلٍ وقف طابور والأبره عناه

ألطف يا ربي مدّت يديها ع صوب الصّدر لين
زاحت قبل كم سانتي تفتح ع دكتوري هناه

ثم قالت بصوت الجرس لي يصدح ف معبد بكين
هذا الغلا اعشقه حيل وفارع ف قلبي غلاه

نمت وصحيت وما دريت الا تنادي يااا سمين
وش له تناظرني ترى اخوي دكتورك اهااه

وتبعثرت فيني الرّجوله يا رياحي وين وين
من وين ما تبغي انثريني ابعديني عن فلاه

هي تجربة قررت اذكرها لكل شابٍ فطين
عشان يعرف أن تحرّش فأجوديه ذا جزاه

دكتورنا اسمه حمد واخته اسمها ياسمين
بس ياسمين الفاتنه رمّستها قبل الصلاه

البنت يللي احبطت مستكشفين البنسلين
تنهي لي السكر ف شوقي لا تصيعب بي دواه

قالت لي محمد فديتك داو جرح القارئين
وابصم بأن شعرك خرافي وأنت ادرى بمستواه

[يقظــان الشهيمي]

ﻫﻲ ﺗﺠﺮﺑﺔ ﻗﺮﺭﺕ ﺍﺫﻛﺮﻫﺎ ﻟﻜﻞ ﺷﺎﺏٍ ﻓﻄﻴﻦ
ﻋﺸﺎﻥ ﻳﻌﺮﻑ ﺃﻥ ﺗﺤﺮّﺵ ﻓﺄﺟﻮﺩﻳﻪ ﺫﺍ ﺟﺰﺍﻩ

ﺩﻛﺘﻮﺭﻧﺎ ﺍﺳﻤﻪ ﺣﻤﺪ ﻭﺍﺧﺘﻪ ﺍﺳﻤﻬﺎ ﻳﺎﺳﻤﻴﻦ
ﺑﺲ ﻳﺎﺳﻤﻴﻦ ﺍﻟﻔﺎﺗﻨﻪ ﺭﻣّﺴﺘﻬﺎ ﻗﺒﻞ ﺍﻟﺼﻼ‌ﻩ

ﺍﻟﺒﻨﺖ ﻳﻠﻠﻲ ﺍﺣﺒﻄﺖ ﻣﺴﺘﻜﺸﻔﻴﻦ ﺍﻟﺒﻨﺴﻠﻴﻦ
ﺗﻨﻬﻲ ﻟﻲ ﺍﻟﺴﻜﺮ ﻑ ﺷﻮﻗﻲ ﻻ‌ ﺗﺼﻴﻌﺐ ﺑﻲ ﺩﻭﺍﻩ

ﻗﺎﻟﺖ ﻟﻲ ﻣﺤﻤﺪ ﻓﺪﻳﺘﻚ ﺩﺍﻭ ﺟﺮﺡ ﺍﻟﻘﺎﺭﺋﻴﻦ
ﻭﺍﺑﺼﻢ ﺑﺄﻥ ﺷﻌﺮﻙ ﺧﺮﺍﻓﻲ ﻭﺃﻧﺖ ﺍﺩﺭﻯ ﺑﻤﺴﺘﻮﺍﻩ




يا هلا فيك تأكد حضورك بالقلب أيها الشامخ..
هو ما عودتنا عليه أبيات فائقة الروعه أعجبني أسلوبك السردي الشاعري..
سجّلني من المعجبين...دمت بود

[سالم الوشاحي]

أخي العزيز محمد بن ضحي

السلام عليكم ورحمة الله وبركاته

صح السانك ولاهان منطوقك

أهلاً بك ......

أبيات جميله تشفع لغيابك

كريم في وصفك وتصويرك

تحياتي وتقديري .

[عبدالله الراسبي]

اخي العزيز محمد بن ضحي ابيات جميله جدا ورائعه
وفي غاية الجمال والابداع
تسلم على هذه القصيده الرائعه
وتقبل تحياتي

[السعدية]

ههههههههحلوه هذه الابيات ي محمد ويعطيك ربي العافيه:

[تركي الحبسي]

قالت لي محمد فديتك داو جرح القارئين
وابصم بأن شعرك خرافي وأنت ادرى بمستواه


شاعر خرافي.. وجمييييييل



أبدعت يا بن ضحي..



صح لسااانك

[خليل عفيفي]

أخي وشاعري القدير محمد بن ضحي
لا نتحدث عن روعة الشاعرية ودقتها وجمال تصويرها وحسب
فلسنا نحن من نتحدث ، ويكفي أن كل قصيدة تتحدث عن نفسها
وأما الصور وروعة التشبيه وحسن انتقاء المفردات فقد بثت فينا
حماسا لنقرأ النص أكثر من مرة
أبدعت أستاذي

[محمد بن ضحي]

المشاركة الأصلية كتبت بواسطة يقظــان الشهيمي

هي تجربة قررت اذكرها لكل شابٍ فطين
عشان يعرف أن تحرّش فأجوديه ذا جزاه

دكتورنا اسمه حمد واخته اسمها ياسمين
بس ياسمين الفاتنه رمّستها قبل الصﻼ‌ه

البنت يللي احبطت مستكشفين البنسلين
تنهي لي السكر ف شوقي ﻻ‌ تصيعب بي دواه

قالت لي محمد فديتك داو جرح القارئين
وابصم بأن شعرك خرافي وأنت ادرى بمستواه




يا هلا فيك تأكد حضورك بالقلب أيها الشامخ..
هو ما عودتنا عليه أبيات فائقة الروعه أعجبني أسلوبك السردي الشاعري..
سجّلني من المعجبين...دمت بود

ربي يخليك يا خوي يقظان منوّر

اهلا بك

[محمد بن ضحي]

المشاركة الأصلية كتبت بواسطة سالم الوشاحي

أخي العزيز محمد بن ضحي

السلام عليكم ورحمة الله وبركاته

صح السانك ولاهان منطوقك

أهلاً بك ......

أبيات جميله تشفع لغيابك

كريم في وصفك وتصويرك

تحياتي وتقديري .

ربي يخليك تسلم يا الأصيل

صح الله قلبك نورت المكان

سلملي عليك

[سداويه مدريديه]

صح لسآأإنك شأإعرنآأإ ^^

جميييل الله لآ يهيينك ~


جلّ التوفييق ||~