شعر - سعيد محمد الخيال الطنيجي - احبالي موصوله مع من قال للشي كن فيكون

[سعيد الخيال]

كم دمع اعيون سالي ... سالي بسبب ما محزون
بحزنها جنها اطفالي ... اطفالي وبحين يبكون

يبكون خوفا من سؤالي ... سؤالي ما ودهم به يمرون
يمرون وتذكر امالي ... امالي ضاعت بسبب يهدمون

يهدمون حلمي وجمالي ... جمالي الفايق المفتون
مفتون و ودي بالوصالي ... وصالي وناظر اعيون

اعيونها السحر الحلالي.. حلالي هي يالله العون
عونك ياربي بحالي .. حالي اللي به اطعون

مطعون وسال دمي عالرمالي .. رمالي وصوبي يطوفون
يطوفون بي وماليه مالي ...مالي ضايع يسبة ديون

ديون كلها اشكالي ... اشكالي شيك راجع كان عربون
عربون واقول اتكالي ... اتكالي على خالق الكون

الكون كله للزوالي ... وزوالي فقبري يحطون
يحطوني لا مالي ولا اعيالي .. اعيالي لقبري يوصلون

يوصلوني للقبر وتطلع اثقالي .. اثقالي ما بها الناس يدورن
يدرون او مادرو تتقطع احبالي .. احبالي موصوله مع من قال للشي كن فيكون


شعر _ سعيد محمد سعيد الخيال الطنيجي