((شوق,,,,وعيون))

[مازن المعمري]

يبتدي الشوق بوريدي وينتهي بشوف العيون
ينتهي لا بل اصحح يبتدي الشوق بلقاه
توقف انفاسي بشوفه في معاليقي بجنون
واتنهد قبل انبض كلمة تعني غلاه
من تنوخ ركاب قلبي فرضها تفتح سجون
كان عمري في وسطها ضايع بلذة عماه
انتفض ورياح شعري سالكه درب الحنون
تشبك زهور القصايد لين يجمعها شذاه
شايفك بدر المشاعر هالقمر عندك زبون
ساكنك روض جماله عند موسوعة حلاه
أنتي لي دربن تنور انتي لليله سكون
أنتي للعاجز سناده ماخذك عنده عصاه
أنتي للعاشق مذاق وفلسفه ونكهه ولون
أنتي لبحور المعاني شطر ما يركب بلاه
يا رذاذ الغيم جوك داخل ضلوعي فتون
شوف معشوقك تجرح عند مغروسك دواه
لكل قلبن فالمحبه صوت واحساس ولحون
وف كل حرفن من بيوته سيح تتسامر معاه
شوقها سيف المهلل سجل بحده طعون
مثل ما زلزل ببكر وبلغ العالم صداه
حبها طيرن مسافر حاير الموطن بدون
ما عرف يسكن فقلبي او يعلقني فهواه
أسمها رمزن تجسد بين بلدان الضنون
وصرت وين اسمع ذكرها قلت ذبحوني فداه
أذبحوني لجل عينه عمر من دونه يهون
وأسالوا روحي الطليقه كيف اوقاتي بلاه
تايه البيت ومتابع ع النجم يالله يكون
هالنجوم اليوم تضوي لين تنزلني فضاه

[السعدية]

تسلم مازن اتمنى لك التوفيق كل التحيه ل مازن المعمري"

[خميس السعدي]

اخوي مازن المعمري

صح لسانك

قصيدة جميلة

تحياتي لك

[أبوراشد العيسائي]

مـــــــازن ,,,,, تسلم
صح لســــــــــانك

[محمد سالم الشعيلي]

قصيدة رائعة أخي مازن
نسج جميل للكلمات
تابع التألق

تحياتي العطرة

[سالم الوشاحي]

أخي العزيز مازن المعمري

السلام عليكم ورحمة الله وبركاته

صح السانك ولاهان منطوقك

ماأجملك وانته تتغزل في غاليك

حروف رقراقة ومعاني سامية

راق لي المكوث بين هذا الجمال

سجل إعجابي وتقديري العميق