أسبوعين للمطر ( للحنين )

[صالح السنيدي]

ناخذ كل أسبوعين موضوع نعبر عنه باربع بثلاث أو حتى بيت واحد من الشعر والمجال مفتوح لكل

الشعراء والشاعرات , سواء بالتفعيلة أو العمودي .

هذين الأسبوعين حول موضوع ( للحنين) وكل ما يتعلق به .

في أنتظار المشاركات أيها المبدعون الكرام ..

[صالح السنيدي]

فاقد حنين

تدرين وش معنى الحنين

أني اجر القلب بثوابك وله

ورجع سنين

للشوق لوراااق الوزا

وإلااا ...بلا ما أخبرك

لان الوله ما قربك

إنسان

انسااااان ... يا رمح السنين

يالي طعنت وماسالت

غرقان في جرحي أنين

بين الصحاري والسهوب

وطرد سراب

من هو زرع دنياي بطعون الوجل

لين أينعت صفر الظنون

ترسم عناوين السهر

قوس وحراب

صالح النورزي

[سالم الوشاحي]

حتى الوفاء من دنيتي بـــات محسوم
بـعـد الــوداد اللـي جـمـــعـــنـا حـنينه

نقسم رغيف الشوق وندوس لهموم
نــاخــذ ونـعـطـي مــن كـفـافة سنينه

ضاع الوفاء والوقت أصبح بلاشوم
مايـنحسب لي كان بـيـني.. وبـيـنـه !!

[نرجسية]

أدورك بين الوجوه ولا أرى من يشبهك
ياغايب ٍ عن ناظري وذكراك روحي تنزفه

ليت الحنين اللي مضى والذكريات ترجعك
وليت الحنين اللي بقلبي لو حضرني أصرفه

[صالح السنيدي]

جميل سالم الوشاحي .

الله هالله يا نرجسية .

تحية إعجاب .

ــــــــــــــــــــــــــــــــــــــــــــــــــــــــــــ



يا جوري الناي الحزين

مد السهر ...

مد الحروف ..

لا تجمع أوراق .... الحـسـوف ..

أو مد كفّــك ... لليباب ..

أجمع سراب ..

قبلك وواعدت السحاب ..

في غابة الوجه الحزين ...

تـهْــت سنين ..

لين .. أصبح أيامي دهــر !!

شب النظر ...

هذي وجه الانتظار ..

كانت على الذكرى وعـد ..

في بيت ... صاروجٍ ... وطين ..

راحت .. بطين .!!!؟؟

شـمـس .. وعـطش ..

جيتك هـنا .. يا موعدي ..

عطشان للناي الحزين ..


صالح النورزي

[فاطمة الفرعي]

إجتمع ف القلب ضيقٍ مع حنين
_______________مع شويــة شــــوق وآهات وأنين

ذكريــاتـــــي جات تنوح البارحـة
_______________رجّعتني لك زماان الياسميـــــن

[خليل عفيفي]

جمرة حنين وحب واشواق ووله

في خافقي

الشوق لتراب الوطن

يحكي حكايات السنين

زفيت له من خافقي

قصه وفاء وانتماء

كلي حنين

والشوق اه يالشوق ااه

خذني على جناح الزمن

كلي حنين

[أنور السيفي]

ياما نغني للحنين
ويكبر بصدر الأنين
نحتاج قلبي تضحية
تجبر لنا ماضي السنين

،،

ياهل الفرح وين الفرح
مامر في جال العطا
والعود يانع مانكر
فضل السما لو بس حين

،،

الحب ريحان الهنا
باقة يرافقها المُنى
ماجالس ْعزومه ضباب
طعمه عسل او قول تين

[صالح السنيدي]

عطر وبخور ..

وأقلام لو تكفي السطور ..

اقوى من الشوق وعناه .. كانت مناه ..

يا ليت يا حلم السنين ...

تكتب لأيامي حنين ..

آه الحنين ..

سافر .. سافر...

وضيع غربتي ..

بين الآماني والسنين ..

يكفي حنين ..

صالح النورزي

[صدى الونه]

قالوا حنين ...
ولا ضياع عمر السنين
طالت مسافات الانين
مابين زفرة وانتظار
مابين شهقة حزن حار
هذا الحنين اللي كتبته في سطر
ولا الصبر يبقى عناوين العمر
الا الحنين ماله معي غير الصبر


شخبطة سريعه منكم العذر