أصعـ ـب مواقف حياتك

[نوف البادية]

يا جمعة .. ما عمر الكذب كان له هاوي
بس المصالح يا جمعة تغيره وتشده
وعندي لو الكذاب ندم وكله رجاوي
نوف ما تصفح عن اللي يتعدى حده

[جمعه المخمري]

وين الصدق والحب يا نوف
باعوه اللي اشتروا الكذب

حنا بشر نحضنه الخوف
ونغش بعضنا وندعي نحب

[نوف البادية]

من هول ما نقرا ونشوف
من فينا يأمن على قلب ..؟!
من كل الناس هالقلب يعوف
يا جمعة وين بس مبدا الحب ..؟!

[جمعه المخمري]

ودي اسافر لدنياك وارتاح
واشكي لقلبك غربة الروح
انسان عايش والشقى لاح
في دنيتي والقلب مجروح
لو كان قلبك بالالم ناح
ماهو بمثلي كان بينوح

[نوف البادية]

قلبي قبلك امتلى جراح
والهم عليه يغدي ويروح
ما شكى رغم شقى وكفاح
راضي وبمسك طيبه يفوح

[جمعه المخمري]

الله يعينك ما بقى شي
وراح الوفى يانوف بسكات
هذي جروحي نازفة في
راح اللي راح والعشق مات

[نوف البادية]

ابقى على متن الحياة حي
وانسى يا جمعة ما فات
العشق نبتة تبيلها ري
وبتثمر خير والفرح آت

[جمعه المخمري]

الله يعلم كيف الاوجاع
بس الصبر فيني سقيته
امد في بحر الهوى اشراع
وحملي بقاعه كم رميته
لج قلب ابيض هوب مرتاع
بحر الخيانه ماكان بيته

[نوف البادية]

يا جمعة للتعب أنواع
وأنا تعبي انت ما ريته
عقلي تعب وكأنه جاع
يبغي ينام فـ حجر بيته
بكرا دوام والكسل شاع
فـ الجسد وما رضيته
قال ينام وللراحة ساع
وبكرا نكمل القصيد وبيته

[جمعه المخمري]

أصعب مـ وا قـ ف حـ ي ـاتي

عندما اريد الاقتراب منك تبتعد عني