القصائد الفائزة في مهرجان الشعر الشعبي العماني

[محمد الراسبي]

للعرى

الشاعر صالح الحاتمي
المركز الرابع

إِعْذِرِيْنِيْ,,
كِثْرِ مَاْ هَزِّ الْوَجَعْ:
"أَغْصَاْنِ طِيْنِيْ"
وِاتِّسَاْقَطْ فِيْ (ضُوَاْحِيْ )الْحِزْنِ فَرْحِيْ
إِعْذِرِيْنِيْ:
كِثْرِ مَاْ (نَبَّتْ) غِيَاْبِكْ:طَلْعِ جَرْحِيْ,,كِثْرِ مَاْ
لَطَّخْ غُرُوْبِكْ وَجْهِ صُبْحِيْ,,
إِعْذِرِيْنِيْ:
مَاْ نِشَفْ جَرْحِكْ بَعَدْ مَــ انْتِيْ هَدِيْتِيْنِيْ
شِتَاْتِ يْشِبِّ فِيْ موْقِدْ شَرَاْيِيْنِيْ/
وِأَغْرَقْ فِيْ غَسَقْ بُعْدِكْ,,وَانَاْ تَاْيِهْ,,,أَدَوَّرْ فيْ
بِلادِ الْجَرْحِ مَوْطِنْ/ إِيْهِ تَاْيِهْ
وَانْفِثَ أَحْلامِيْ
عَلَىْ وَجْهَ الْعُمُرْ,,أَسْكِبْ رَحِيْلِكْ فِيْ
تِجَاْوِيْفِ الصَّبُرْ,,وَاعْزِفْ:علىْ جِسْرَ المَسَاْ
قيِثَاْرَةَ الذِّكْرَىْ قَهَرْ,,وَازْرَعْ عَلَىْ أَرْضِ الأمَلْ
يَأْسِيْ وَاغَنِّيْ لِكْ,,
أَلا يَاْ:
جِرْحِيَ النَّابِت عَلَىْ صَدْرِيْ: فِتِيْلْ
ـــــــــــــــــــــــــــ مَاْ تَرَكْتِ النُّوْرِ يَعْـبُرْ إِكْتِئَاْبِيْ
لِيْنِ صِرْتِ فْـزَحْمَةَ اشْيَاْئِيْ أَسِـيْلْ
ـــــــــــــــــــــ وِامْتَلَىْ وَجْهَ الشُّوَاْرِعْ بِـــ اغْتِرَاْبِيْ

مَاْ بَذَرْتِ الْحِــزْنِ فَــعْيُوْنِ السَّبِيْلْ
ـــــــــــــــــــــــــــ لَوْ سِقَتْ غِيْمَاْتِكِ الْعَذْرَاْ تُـرَاْبِيْ
لَـكِنِ الْلِيْلَهْ عَلَى كْتَاْبِ الرَّحِيْلْ
ـــــــــــــــــــــــــــ حَاْضِرَهْ فِيْنِيْ وَجَعْ يَرْوِيْ عَذَاْبِيْ
وِانْصَهَرْ صَبْرِيْ وَانَاْ وَجْهِيْ يِمِيْلْ
ــــــــــــــــــــــــــــــ لَلْضَيَاْعِ الْلِيْ كِسَرْ مِعْصَمْ شِبِاْبِيْ
لِلْعَرَىْ وِالرِّيْحِ وِدْمُوْعِ الْأصِيْلْ
ـــــــــــــــــــــــــ قِصَّةٍ سَاْلَتْ عَلَىْ دَفَّــةْ كِتَاْبِيْ
ذَاْبَتَ اقْدَارِ الْمَــشَاْعِرْ :مُسْتَحِيْلْ
ــــــــــــــــــــــ "يِنْوِلِدْ غِيْثِ السَّعَاْدَهْ مِنْ سِحَاْبِي"
تِعْبِتِ اكْتَاْفِ الْعُمُرْ جَرْحِيْ تِشِيْلْ
ــــــــــــــــــــــــــــ يَالْمِدِيْنَهْ مَاْ جَبَرْ صُبْحِكْ مَصَاْبِيْ
وِالْتُوَىْ غُصْنِ الأمَـلْ بِيْ وِالدِّلِيْلْ:
ــــــــــــــــــــــــــــــ هَــالْفَرَاْغِ الْمِنْسِكِبْ دُوْمٍ عَــ بَاْبِيْ
يَاْ فُرَاْتِ الْجَرْحِ فِيْ ضِلْعِ الْقِتِيْلْ
ــــــــــــــــــــــــــــــــــ شاْخَتَ احْلامُ وْأَمَاْنِيْ في حِسَاْبِيْ
وِشْ يِفِيْدِ الْغِيْثِ لَوْ مَاْتِ الْحَصِيْلْ
ـــــــــــــــــــــــــــــــــــ دَامِكِ فْعِيْنِ الزِّمِنْ غِيْمَةْ سَرَاْبِيْ

[محمد الراسبي]

عبدالعزيز العميري

المركز الأول
( موت آخر )

وارحَّب بي
هلا بي داخل التابوت
انا مْسامح
ولا إنسان صلى الموت
وياربعي أبشركم
انا صلـَّـيت في موتي!
وجيت لـْغرفتي وسْلاحي سْـكوتي
اقول بـْحضرة التأبين :

بــعـــد بــاقــــي نـــفَــــس رغــــم الـــظــلام وْقــــســــوة الأيــــــام
____________ أسيــــــــر بْــــلا هـــــدف ..ضاعت جهـــــاتي كيف ألاقـينـــــي ؟!
عــلــى الـشــبَّــاك عـلــَّـــــــقــت الــوجـــوه اسْـتـحْـضــر الاحـــــلام
____________ أحـــــاول بــالـــوهَـــمْ أكــــذب عــــلــــى نــفـــســـي وأواســيـــنـــي
أشـوف انِّ الــمــــدى صـفـحــة.. وخـيــبــات الــزمَــــن أقـــــلام
____________ تعـبـت اقــرأ .. تعـبْـت اعْـــرك ســـواد الـكــــــون مـــن عـيـــنـــي
أقـــــول بْــخـــيـــر صــكــَّـــيـــت الــســتــايــر أخــْـــفـــي الالآلـــــــــم
____________ ألــمْــلـــمْـــنـــي ..أطــيــح وْانــــتـــثــــر مـــابـــيــنـــي وْبــــيــــنـــــي
دروب الــمـــوت تــقـْـــتـــات الــســنــيـــن وْتـــلـــحـــق الاقـــــــــدام
____________ وانـــــــا أركـــض ..كـأنــِّـــي طــفْــل مــــدْري ويــــن أخـبَّـيـنـي؟!
اروح لـــويــــن مـــــــا أدري وش الــــلــــي يــنْــتــظــر قــــــــدام؟!
____________ طــــــويــل طْــويــل مــشْــواري ..وهــــذا الـعـمْـــــر يـطـويـنــي !

ظلالي ذابله وْظهر السنين يـْميل
هنا شفت الظلام يـْمرني وماللعمٌـر قنديل
عصافيري قتلها الجوع واغْصاني حطـَـبها البرْد
وأمنـِّـيني بـْـفناجيني
إذا عاند حظوظي النرْد!
رجوعي يرفض رْجوعي
هلا بي ما معي أصحاب
ولاحاضر ولاحتى أمل كذاب
ملـَــيت البيت مني حزْن
ولاحد ٍ طرق بابي
اعاتبني
غبي ...وش جابك الليله ؟!
وانا ماحيلتي غيري

عــبـَــث وآنــــا أخــبِّـــي عـــــن عـيــونــي وجــهـــي الـمـكـســور
_______________ مـــن الـلــي حـــرَّض الـمــرآه تـفـضــح قــســوة الـحـرمــان؟!
وحــيــد وْمـامــعــي نـفــســي ..أجـرجــرنــي بـــــدون شْــعـــور
_______________ يــ أرضـــي مـــن رسَـــمْ وجـهــي حــزيــن وْكــسَّــــر الالــــوان؟
انا كل مــ اخْــتــنـَــق صدري .. وعيني توسـَّــــلت للنور
_______________ شـعَـلــت آخــــر قـصـيــده فــــي فــمِــي واتـطــايــرَتْ دخــَّـــان
حـــيــــاة بْـــــــلا حــــيــــاة وْبــــيــــن جـــــدراني أنــــــــا مــحـــصـــور
_______________ تـعبــْـت ارْسـم شجَـر عـــــاري وْعصافيـر ٍ بــلا جنـــــحــــــان

وَقمْت آحرِّك يـْـديني
وَأتحسَّس إذا باقي نبض فيني
وْعشان اشْعٌـر بأنـِّي حي
جرَحْت إيدي ولكن ماشعرْت بـْـشيء
وَفي زحمة ظلام اليأس والـْغرفه تضيق تـْـضيق
فتحت آخر شبابيك الحياه
وْشفـتـني ميـَّـت!!

[محمد الراسبي]

نبارك للشعراء الفائزين



يوسف البلوشي ( بن المترف )
المركز الخامس

ليلة شتا

للــريـح طـــرق ٍ عـلى الأبـواب يرعبني
وأنا عـلى جـلــســـتي والـنـار شـــبـّـــابه

لـيـل انـتـظــاري يـطـول وبـه يـكـلـمـني
تراجــف أعــضـاي ، لا مـر البرد جابه

لـيـلة شـتـا لـو تـغـيـب عـيـونـك وشـفـني
في فـتـحـة الـبـاب يـلقـى الشوف محرابه

يا سـيـدي وأجــمـل الأحـلام وش تعني ؟
دام الـجـفـن ما غــفى في غـيـبة أحـبـابه

يا سـيـدي والــغـصــون اليابـسـة تـحـني
روس الأمــــاني زمــن لـغرور حطـّـابه

هــذا هـو الـمـوت ما يـشـبه سوى حزني
لـحـظـة غـيــابـك دروب الــموت تتشابه

واتـكـلـم بصمت ، لين الصمت يجرحني
واتـرك يـديـني في عــز الـبـرد مـرتـابه

يا سـيـدي وين صـوتك عـن مدى أذني ؟
بعض الكلام ان عشقته صعب تصخى به

ما به سواي ، وسهام الوقـت في جـفـني
لـيـلـة كـئـيـبـة قــمــرها يـطــوي كـتـــابه

وافــرك يـديــني وشــبــاكي يـنـاظـرني
والانـتـظـار الـمـــمــــل يـمــارس عـــتـابه

والبـرد في شـفـاي والوحــدة تحاصرني
هذا الحطب مات ، كيف النار تحيا به !

طرق ٍ على الباب ، مدري ليه يرعبني
رغم انتظاري لهذا الطـرق في غـيـابه

يوسف بن علي بن محمد البلوشي
بن المترف

[صالح الحاتمي]

الشاعر نواف الشيادي
المركز الثالث


عليها السلام...نواف الشيادي



كبر الشعر //... ودموع المحابر إمام
... وإنكسر ليل... من موقف صلاة أضلعي

قلت أبملي فراغ أحلامنا /... قبل عام
لكن العــام هذا... مـا لحقه إصبعي

صاحبي ضاقت أنفاسي /.. وحزني تمام
جيت أطمنك /. "تايه" بس في موقعي

أنت ودك تنام ؟!! وهالمحاجر غمام ؟!!
دوك قلبي معاك /... وهات قلبك معي

لجل تقدر تشوف " الحزن " قبلك ينــام
وسط عينك "مقابر"/..وإنت ميت وعي

هو ... تركت المسا يهدي لـ عيني ظلام
قبــل ما الصبـح يهدي للضيا مدمعي

ليتني لو قدرت آشق ثوب الملام
كان ما همني غيابك يطف أشمعي

طارت أحلامنا العذراء "عليها السلام "
ونادت غصون صدري ليش ما ترجعي؟

صرت فم الورق من قبل أكون الكلام
يرحم الله قلب ذاب من مسمعي

شاعر ٍ يطلق أفكاره ل قلب الأنام
لو ّ حرفه تمرد به يجي من سعي

يعرف إنه وسام فصدر ذاته وسام
شعره إلــ نفسه وقال : الشعر مرجعي

يسقي عقول من غيمة فكر لين قام
جيل يحصد بعد زرعه قدر موضعي

كان حلمه يلملم سعف نخل حطام
يوم كانت حياته من رعي في رعي

أكثره من قليل صار لـ إسمه مقام
يلتحف في سماهـ وماهـ من منبعي

يكسر الليل عين ٍ في دمعهــا إمام

كبر الشعر ثم صلت معاه أضلعي

[فاطمه القمشوعيه]

خالد الداودي
المركز الثاني
\

انشودة سائح َعربي لـ/َوطنهْ
الشاعر خالد الداوؤدي

يا َوجْهْ /
يا َوجْه انا قررت اقطّع
كل تقاسيمك وامنح
بسمة السياح تأشيرة عبًورِ صادقه
لمدخل شوارع ضيقتك
واغرس ..
على اليابس من الداكن حنين
يثقب الغيمـه ويغسل ما تبقى
من ظلام الذاكره المتناثره بسفوح جفنِ
وقظّ الليل وتوظا
دمعة بلت كفوف الذنب
ثم صلى وقاره
بإنحناءة ظهره المتشبث بركعه اخيره
للضياء .. جيتك ارّتل
في مسارح عزلتك ثورة جنونك
اغلق الجدران واطلع من عيونك
بإرتباك في دمي يشبه شرودك،
َصمْتي المتواري بجلدك وينفض!!
ادمية شعر او حس آدميه
يحتفل بالجرح في ردهة عروقي
ساخرِ منفي ومتشظي لعوالـــــم
ما تغني لحن به نبرة فراقي ..
جيتك اصلب ..
كل اوصالي على ارض الكتابه ..
انشد النغم لسماء طلع القصيده ..؛
بلا نخل عاري يماري بي يباسي
كان لي ظلِ وتساقـط لي جــريده
كان لي برد وتوسمته لبــــاسي
كان ليّ وكنت له واليوم اسأل
يا وطن من يعتني بكْ.. ؟
يا وطن من يعتني بكْ.. ؟

حمرة اشراقك طفت من عام واكثر
ماي عينك جف .. ْبالاحـرى تبخر
ليته امطر .. في كفوف الرمل ما ينبت ظلالي
يا ظلالي .. كنت اخضر
وارف الغصن متوغّل في ضفافي
يا ضفافي من جفافي
سالت بفجوات روحي لك اغاني
رددتك وقلت للبحر المواني
رددتك ورددتك وجيتك اعزف..
كل مقطع من تقاسيمي عليـك
اليوم ابنثر
ابجدية شعر تنسجنـــــي عليك
اليوم ابذرف
لك نحاس عيوني اللي ما تصهر
لك نحاس عيوني اللي ما تصهر
ياوطن باكي عليك ..
يا وطن باكي عليك ..واشعر انّك..
تحتمي بصمتي وتستنشق حروفي
تقنـــع الذكـــرى بلا داعي لخوفي
وانا لي قلبِ من اللهفه يبيك/ وفيك يهذي ..
ما تبي اكتب جراحك ؟

لأي حريه تبي ترسل جناحي
وانت قيدي وسجني اللي
ما رضى يطلق سراحي
بيدك ارسمني تشكلنّي تجسدّني بحراحي
لوذ بي بعد الفرار ارجوك مرّر
كذبتك موجود في كل النواحي
لأجل لو تغفى عيوني ..
فيك اشعلك بسكوني
للدجى مصباح او اطفي صباحي ..
يا وطن حالك غيابك ..
يسكب الفجر ْبمرارة صبح
يتقوى طواحيني .. رياحي
تحتسي حتى شفاه الصمت حزني
واشرب آهاتي دخانٍ من فراغي
احترق بك واحتفل بك ..
في محطات السفر داخل عيوني
لأبتكر لك نغم خالص
عاطفي الشدو يتغني بصوتي..
مخملي الحـزن يترنم بمـوتي..
في شراييني على الغدران ينده
يالربيع العطر ياللحن المهاجـر
خذ تقاسيمي على الشرفات غنيّ
انهك الليل الحزين وبات صاحي
يا وطن باكي عليك ..
يا وطن باكي عليك ...

ارسم اطيافك على لوحات شعري
ترتسم لي منك شمسي
تشرق وتغفى بهمسي ..وآتذكر
لك ضحى مره تدّلى!
خلف نافذة الهموم وبان شارع
لك عمر فيني تولى
يسحب الظل الـ/باقي لماضي الحلم المضارع
لك عبث فيني يتســـاءل
لك عبث فيني يتســـاءل
يا وطن كيف العيال ؟؟ يا وطن كيف العيال ؟؟