ومرت سنه

[خليفه الحامدي]

ومرت سنه


ومرت سنه من ذا البعد يا زين للحين
والبعد جمر ٍكـــوى لاضيــــه دواســــــــــه
طوّلت يا حلم ٍغفا بكف المــــــوازين
ولليوم قلبي يْــتســـائل ويـن جلاســـــــــــه
أستغفر الله ما بقت إلا الشياطيــــن
يملا هواها القلــب ويزيد وســواســــــــــه
لكنّ لــي رجعــه إلى "طه" و "ياسين"
يهدم ذكرها الياس ويصـدّع ٍساســــــــــــه
من شهر نوفمبر مضى ف العام تسعين
أحري لقاهم ضحى وبالليل وأغلاســــــــه
ما سرت إلا والصبر صاحب لي معين
وصبري أبد لو غبت ما يعلن إفلاســـــــه
إن قام ينقص زاده الوقت تمكيـــــــن
الله عطانيه حبه عن خلقه وناســــــــــــه
حدّ الغلا فوق ما توصفه قولة ثمين
واللي سعى للمجد م يهاب حراســــــــــه
الله عطاه الزين وش حاجة التزيين
اللي تجمّـل بالحيا في حشمة لباســـــــــه
حلم الوصل يحيه وصلك والله يعين
مالي على جور الزمن لى شط في باســه
واللي غرس بين الحنايا فقر مسكين
بقول الله يجيبه ويكثّر أغراســــــــــــــه
أحد ٍلقى العسر دربه عقب صحبة اللين
وأحد ٍلقى اللين دربه لآخر أنفاســـــــــه
لو ما كذا ما شمّلوا إن رحت أنا يمين
ولا هو بعدك القلب عزّم يوئد إحساســه

مع خالص التحية .....

[سالم الوشاحي]

لكنّ لــي رجعــه إلى "طه" و "ياسين"
يهدم ذكرها الياس ويصـدّع ٍساســــــــــــه
من شهر نوفمبر مضى ف العام تسعين
أحري لقاهم ضحى وبالليل وأغلاســــــــه






خليفه الحامدي تسلم اخي

وجميل أن تستمسك بطه وياسين

لك الود حتى ترضى

تقبل مروري المتواضع

[نوره البادي]

الله يعينك على البعد أخي صح لسانك

[خليفه الحامدي]

المشاركة الأصلية كتبت بواسطة نوره البادي

الله يعينك على البعد أخي صح لسانك

شكرا على المؤازرة

[نبيلة مهدي]

كلمات جميلة.. و سلمت يمناك يا خوي
خليفه الحامدي

أستمتعت و أنا أقرأها..
كل الاحترام و التقدير

[صدى الونه]

لله عطاه الزين وش حاجة التزيين
اللي تجمّـل بالحيا في حشمة لباســـــــــه

ليتنا نجد الاجابه لهذا السؤال ياخليفه !!!!
يتعبون انفسهم ويتعبونا معهم ...

أحد ٍلقى العسر دربه عقب صحبة اللين
وأحد ٍلقى اللين دربه لآخر أنفاســـــــــه

صدقت في ها الحكمه الشعريه ...
وانا اقول ماضاقت الا انفرجت ....
وللعسر يسر .. "وبشر الصابرين "

استاذي خليفه ... في القصيده ابيات كثيره تمنيت اقتباس كل ابياتها لجمالها وحسن معانيها
فكتفيت بما جاء اعلاه
بورك فيك ...

[وليد الحضرمي]

تسلم اخي على هذه القصيدة الطيبة

[عبد الله الشعيبي]

خليفه الحامدي ..

يكفي أن للشعور روح .. بكل مناخات القول تسكن في شغاف المسامع .. وتصدق في التعبير ..

لك مودّتي

[هيثم العيسائي]

الحامدي

أهلن بك ف السلطنة الأدبية

نص جميل مثل جمال روحك


لك مودتي
هيثم