مشاكاه للشاعر سالم عبيد عبدون الجنيبي

[سعد بن عبدون الجنيبي]

يا شيخة الغيد يا اللي نادره بالوصوف
يا درتن غاليه جعل السعد فالها

الوقت ضيق ولكني جبرت الظروف
لابد ما متع النظرات بقبالها

لو رمشها يدمي الخافق ولا فيه روف
رغم الظروف العنيده بنتعنالها

لي شوفها يبهج الخاطر ويا خير شوف
تجمع خيار الوصايف واروع اخصالها

من طلة الوجة ولغاية خضاب الكفوف
وحسنن خرافي بمشيتها وعدالها

ماتل قلبي سوي فرقاك يا غلا هنوف
ليت الذي مر في بالي سكن بالها

مبطي وانا خافقي لمداعباتك شغوف
سوالفن شدت الولهان واصغي لها

اذا حكت ودي تعيد السوالف واشوف
ثغرن حوي مجمل الدانات بشكالها

تكفي تحط النقاط الواضحه ع الحروف
شفني من البعد نفسي زاد غربالها

يا سالم عبيد عجل في مسيرك وطوف
لدرتن من محبتها سرينالها

*سعد سعيد بن عبدون الجنيبي

الرد:
يا مرحبا يا سعد وارقي على راس نوف
مثلك لمن انه طلب له طلبتن نالها

انا معك في مهماتك وعينك تشوف
ان طالت حبالها وقصرت احبالها

قدام قدام لا يدخلك شكن وخوف
ابشر بشوف الهنوف وغاية وصالها

لو دونها مرهفات الشلف ولا السيوف
طرق التواصل نكيفها ونسعي لها

حياك وانته عميد الراي والفيلسوف
وانا معك مستشارن* قالها طالها

في لازمك تنقطع متراميات الطروف
نطرب وجزل الطروق نجر موالها

سالم عبيد بن عبدون الجنيبي