قبــل .. بـعـــد

[سعيد الفطيسي]

هي الدنيا على ما تشاء تأخذنا،، فتارة تكون قاسية
وتارة تأتيك بالفرج والفرح وبهجة القلب والروح والعين ،،
من البعيد ،،تناظره وتخايله وانت في قمة السعادة ،،
إذن الدنيـــــــــــا ما زالت بخير .. اليكـــم


قبـــل .. بـعـــد


نعم لاماك يغنينـي .. نعم وان جيـــــــت همـــــــي زال
واذا قفّيـــــــت وش بـاقــــي أعيـــــش فداه وأحيا بــه

أنا حظي من أيــامي علـــــــــــومٍ ما تسـر الحــــــال
وحلم يمــــوت قـدامي.. رضــى فينـــي وبرضـــى بـه

فلا هـو روّح بحقـــــه ولا هو حــــافـظٍ لآمـــــــــــال
أنــادي وين يا وقتــي .. ووقتـــــــي كــــــم تعــــايابه

أنا واليــاس وجيـوشـــــه وليــــلٍ سرمديٍ طــــــــال
وثورة خـــــافقٍ مســـكين على نـاســـه وقــــــرّابـه

عليّ توجـــــب الطــــاعة اذا ما طـــــاع وإلا مــال
زمـــــاني واختلــف حــــاله ووقتـــي عضنـي نــابه

أنا حظي تبــــــلاني وشيّلنــــــــي حمـــــولْ ثقــــال
أنا حالي مثل ضـــــــامي رجا قطرة من سحــــــابة

تعبت اجامل أيامـــــــي وأدوّر في الهجير ظـــــلال
غريبٍ ما لقى حـــــاله ما بين اليــــــاس وأحزابه

كلافة لا ضوى همك وسـعد الحــــظ عنــك مــــال
وانا شيّعت جثمــــــانه ولاني حـــاسب حســــــابه

وانا في زحمة أيامي نظرتك والأمـــــــــل ما زال
يراودنـــي بعد غــــربة.. بـعـد ما طـوّل غيــــــابه

وأقول ان الرجـــا باقي بشوفك يا جميـــل الفــال
تعال وجود باحســـانك يا در الغزر واحصــــــابه

هلا بك عد ما جمري لعى وأعداد غصــــنٍ مـال
هلا بك عد مــا طـرفٍ يرفْ وجـــــاوب أهـــدابه

أهلي بك وأماري بك.. وأزف الشعر والمــــوّال
وأمني النفس بوصالك يا شوق القلب واعجـابه

وينبت بك حيا عشبٍ ..خزامى..وقيحوان ..وهال
وبك يحيا فوادٍ صبْ .. خطيـر الدوب ما جـــــابـه

تعال وعيش في خافق مودٍ فاعـــــلٍ به افعــــال
تعال وجاوب احساسي.. ولا تسأل عن أسبــابـه

الفطيســـــــــــــــــــي