"" سوق الأشعار ""

[سعيد المشرفي]

مساء الخير.
قصيدة من الأرشيف.
وعذرآ مبتداها ومنتهاها
[b[/b]

""" سوق الأشعار """
جاتك علوم اللي علومه مفانيد
أبيات شعرآ يفتخر من قصدها

ليتك مثل اسمك سبقت المواعيد
ونفسي على عكس المسمى سعدها

لو كان شاكيت الصخور الجلاميد
حنت وجاني بالمساعيف ردها

أبطيت في ردك وخبري بك اتحيد
إني على نارآ تساعر وقدها

وآنا على حالي أجر التناهيد
أحسب ثوان الوقت وأدبل عددها

وآنوح والقمري يرد بتغاريد
وتساهره عينآ شكت له سهدها

ظامي وأنا أسمع خرير المواريد!!
ودي بعينآ غير محدن وردها

مشهور في وصف النهود المقاعيد
غض المثامر يا بخت من حصدها

وآحدد الأبكار بالعين تحديد
وأعرف من اللي مارضعها ولدها

الغنج والترفات والحور والغيد
والبنت تسحرني ملامح نهدها

والحر ما يجهل فنون المصاييد
قوت الحرار ورزقها من هددها

صايم ولا بفطر قبل ليلة العيد
باطل صيامه من فطر ما شهدها

ولو ناظرت عيني كروم وعناقيد
في ذمتي ما بل ريقي شهدها

يالعود يا نسل الكرام الأجاويد
تزعل بكلمة وأنت تجهل قصدها

والناقة اللي تحرف الدرب وتحيد
من قل حيلتها تطاير زبدها

سنتين وابياتي بعيد ومشاريد
واليوم رادار القوافي رصدها

وارسلت لك من جيش الأفكار تجنيد
فوج وسرايا حرب جاهز مددها

وحذر جنودك من فعول الصناديد
كم من زهيده خيبت من زهدها

وكانك بغيت ترد من دون ترديد
افحص على الأبيات ثم اعتمدها

ولو ما ابتكرت فسوق الأشعار تجديد
تتلف معاملتك وبعلن كسدها